വിശാലിനൊപ്പം സുനൈന,ആക്ഷന്‍ ത്രില്ലര്‍ വരുന്നു

'വിശാല്‍ 32' ഒരുങ്ങുകയാണ്. ആക്ഷന്‍ ത്രില്ലര്‍ വിഭാഗത്തില്‍പ്പെടുന്ന സിനിമയുടെ ചിത്രീകരണം സെപ്റ്റംബര്‍ 1 നായിരുന്നു തുടങ്ങിയത്.സുനൈനയാണ് നായിക. ഇപ്പോഴിതാ ടീം ആദ്യ ഷെഡ്യൂള്‍ പൂര്‍ത്തിയാക്കി.

നവാഗതനായ എ വിനോദ് കുമാര്‍ സംവിധാനം ചെയ്യുന്ന ചിത്രത്തിന്റെ ഷൂട്ടിംഗ് കൂടുതലും ചെന്നൈയിലും പരിസരങ്ങളിലുമായിരിക്കും. നിലവില്‍ ടീം ഒരു ഇടവേള എടുത്തിരിക്കുകയാണ്. രണ്ടാമത്തെ ഷെഡ്യൂള്‍ തുടങ്ങാന്‍ കുറച്ച് സമയം എടുക്കും എന്നും പറയപ്പെടുന്നു.രസകരമായ ത്രില്ലര്‍ ആയിരിക്കും സിനിമ.ധാരാളം ആക്ഷന്‍ രംഗങ്ങളും ഉണ്ടാകും. കൂടുതല്‍ വിവരങ്ങള്‍ വൈകാതെ പുറത്തുവരും.