'മേപ്പടിയാന്‍' റിലീസിനൊരുങ്ങുന്നു, ലൊക്കേഷന്‍ ചിത്രങ്ങള്‍ പങ്കുവെച്ച് ഉണ്ണി മുകുന്ദന്‍

'മേപ്പടിയാന്‍' എന്നും ഉണ്ണിമുകുന്ദന്‍ ഇത്തിരി സ്‌പെഷ്യല്‍ ആയിരിക്കും. അത്രമാത്രം ആത്മാര്‍ത്ഥമായാണ് നടന്‍ ഈ സിനിമയെ സമീപിച്ചത്. അതുകൊണ്ടുതന്നെയാണ് മസില്‍ അളിയന്‍ കൂടവയറനായി മാറിയതും. മെക്കാനിക്കും ഗാരേജ് ഉടമയുമായ ജയകൃഷ്ണനായി ഉണ്ണിമുകുന്ദന്‍ വേഷമിടുന്നു. അടുത്തിടെ ഷൂട്ടിങ് പൂര്‍ത്തിയാക്കിയ സിനിമയുടെ ലൊക്കേഷന്‍ ഓര്‍മ്മകളിലാണ് നടന്‍.

ഷൂട്ടിംഗ് അത്രത്തോളം ആസ്വദിച്ചാണ് താരം പൂര്‍ത്തിയാക്കിയെന്ന് തോന്നുന്നു.വിഷ്ണു മോഹന്‍ തിരക്കഥയെഴുതി സംവിധാനം ചെയ്യുന്ന ചിത്രം നിര്‍മ്മിക്കുന്നത് ഉണ്ണിമുകുന്ദന്‍ തന്നെയാണ്.സാധാരണക്കാരനായ ജയകൃഷ്ണന്‍ തന്റെ ജീവിതത്തിലെ അപ്രതീക്ഷിത സംഭവങ്ങളെ എങ്ങനെ മറികടക്കുന്നു എന്നതാണ് കഥ.