പത്തൊമ്പതാം നൂറ്റാണ്ടിന്റെ പോസ്റ്റ് പ്രൊഡക്ഷന്‍ ജോലികള്‍ പുരോഗമിക്കുകയാണ്.ചിത്രത്തിലെ ഇരുപതാമത്തെ ക്യാരക്ടര്‍ പോസ്റ്ററുമായി സംവിധായകന്‍ വിനയന്‍. നവാഗതയായ വര്‍ഷ വിശ്വനാഥ് അവതരിപ്പിക്കുന്ന ജനകി എന്ന കഥാപാത്രത്തിന്റെ പോസ്റ്ററാണ് പുറത്തുവന്നത്.വാണി വിശ്വനാഥിന്റെ സഹോദരീപുത്രിയാണ് വര്‍ഷ വിശ്വനാഥ്
വിനയന്റെ വാക്കുകള്‍
'പത്തൊന്‍പതാം നൂറ്റാണ്ട്' ന്റെ ഇരുപതാമത്തെ character poster ആയി റിലീസ് ചെയ്യുന്നത് നവാഗതയായ വര്‍ഷ വിശ്വനാഥ് അവതരിപ്പിക്കുന്ന ജാനകി എന്ന കഥാപാത്രത്തിന്‍േറതാണ്..തെന്നിന്ത്യന്‍ സിനിമയിലെ പ്രശസ്ത നായികയായിരുന്ന വാണി വിശ്വനാഥിന്റെ സഹോദരീപുത്രിയാണ് വര്‍ഷ വിശ്വനാഥ്..
കൗമാരപ്രായത്തില്‍ തന്നെ അധ:സ്ഥിത വിഭാഗത്തില്‍പ്പെട്ട സാധാരണക്കാരോട് അനുകമ്പയും സ്‌നേഹവും പ്രകടിപ്പിച്ചിരുന്ന ജാനകിയും സഹോദരി സാവിത്രി തമ്പുരാട്ടിയും ആറാട്ടുപുഴ വേലായുധപ്പണിക്കര്‍ നടത്തുന്ന നവോത്ഥാന പോരാട്ടങ്ങളെ മനസ്സു കൊണ്ട് പിന്തുണച്ചിരുന്നു..
മാറുമറച്ചു നടക്കാനുള്ള പിന്നോക്ക വിഭാഗത്തില്‍പ്പെട്ട പെണ്‍കുട്ടികളുടെ അവകാശങ്ങള്‍ക്കൊപ്പം നില്‍ക്കുകയും.. 'സംഘകാലം' പോലെ എല്ലാ ജനവിഭാഗത്തെയും ഒരു പോലെ കാണുന്ന ഒരു കാലം വരുമെന്നും സ്വപ്നം കണ്ടു നടക്കുന്ന ജാനകിക്കുട്ടിയെ വര്‍ഷ ഭംഗിയയായി അവതരിപ്പിച്ചിട്ടുണ്ട്...ശ്രീ ഗോകുലം ഗോപാലന്‍ നിര്‍മ്മിക്കുന്ന 'പത്തൊന്‍പതാം നൂറ്റാണ്ട്' 2022 ഏപ്രിലിലാണ് തീയറ്ററുകളില്‍ എത്തുക.. സിജു വില്‍സണ്‍ നായകനായെത്തുന്ന ചിത്രത്തില്‍ പ്രശസ്തരായ അന്‍പതിലേറെ താരങ്ങള്‍ അഭിനയിക്കുന്നുണ്ട്.. ഷാജികുമാറും, വിവേക് ഹര്‍ഷനും, എം ജയച്ചന്ദ്രനും, സന്തോഷ് നാരായണനും, അജയന്‍ ചാലിശ്ശേരിയും, സതിഷും, പട്ടണം റഷീദും, ധന്യ ബാലകൃഷ്ണനും, റഫീക് അഹമ്മദും പോലുള്ള പ്രഗത്ഭര്‍ ഈ ചിത്രത്തില്‍ എന്റെ കൂടെ സഹകരിക്കുന്നു...