മൊണാലിസയെന്ന മാസ്മരിക സൌന്ദര്യത്തിന്റെ ശരിപ്പകര്‍പ്പ് സ്പെയിനില്‍. ലിയനാര്‍ഡോ ഡാവിഞ്ചി നൂറ്റാണ്ടുകള്‍ക്ക് മുമ്പ് വരച്ച പെയിന്റിംഗിന്റെ, ഇതുവരെ കണ്ടെത്തിയതില്‍ വച്ച് ഏറ്റവും പഴയ പകര്‍പ്പാണ് ഇതെന്നാണ് റിപ്പോര്‍ട്ട്.
മാഡ്രിഡിലെ പ്രാഡോ മ്യൂസിയത്തിലുള്ള ഈ പെയിംന്റിംഗ് കാണാന്‍ ആളുകള്‍ ഒഴുകുകയാണ്. ഡാവിഞ്ചിയുടെ ശിഷ്യനാണ് പതിനാറാം നൂറ്റാണ്ടില്‍ ഇത് വരച്ചത് എന്നാണ് കരുതപ്പെടുന്നത്. ഫ്രാന്‍സിസ്കോ മെല്‍‌സി എന്നയാള്‍ വരച്ച പെയിന്റിംഗില്‍ മൊണാലിസയ്ക്ക് നേര്‍ത്ത പുരികക്കൊടികളാണ്.