ആംബാൻഡ് വിലക്കിനെതിരെ വായ പൊത്തി ഫോട്ടോയ്ക്ക് പോസ് ചെയ്ത് പ്രതിഷേധിച്ച് ജർമ്മൻ ടീം

എൽജിബിടിക്യൂ സമൂഹത്തിൻ്റെ അവകാശങ്ങൾക്ക് പിന്തുണയറിയിക്കുന്ന വൺ ലൗ ആം ബാൻഡ് വിലക്കിയ ഫിഫയുടെ നടപടിയിൽ പ്രതിഷേധിച്ച് ജർമ്മൻ ഫുട്ബോൾ താരങ്ങൾ. മത്സരത്തിന് തൊട്ടുമുൻപ് വായ പൊത്തി ഫോട്ടോയ്ക്ക് പോസ് ചെയ്തുകൊണ്ടാണ് ജർമ്മൻ ടീം തങ്ങളുടെ പ്രതിഷേധം അറിയിച്ചത്.

ഇംഗ്ലണ്ട്,ജർമ്മനി,ബെൽജിയം,ഡെന്മാർക്ക്,നെതർലാൻഡ്സ്,സ്വിറ്റ്സർലൻഡ്, വെയ്ൽസ് ഫുട്ബോൾ അസോസിയേഷനുകളാണ് ഖത്തർ ലോകകപ്പിൽ വൺ ലൗ ആം ബാൻഡ് ധരിച്ച് കളത്തിലിറങ്ങാൻ തീരുമാനിച്ചിരുന്നത്. എന്നാൽ ഈ നിലപാട് സ്വീകരിച്ചാൽ മഞ്ഞ കാർഡ് കാണിക്കുന്നതടക്കമുള്ള നടപടികളുണ്ടാകുമെന്ന് ഫിഫ വ്യക്തമാക്കുകയായിരുന്നു.