നിറവയറുമായി ഫോട്ടോയ്ക്ക് പോസ് ചെയ്ത് മെസി ആരാധിക; ചിത്രങ്ങള്‍ വൈറല്‍

നിറവയറുമായി ഫോട്ടോയ്ക്ക് പോസ് ചെയ്തിരിക്കുകയാണ് തൃശൂര്‍ കുന്നത്തങ്ങാടി സ്വദേശിനി സോഫിയ രഞ്ജിത്ത്

ഖത്തര്‍ ലോകകപ്പിന്റെ ആവേശത്തിലാണ് ഈ കൊച്ചുകേരളവും. എല്ലാ മുക്കിലും മൂലയിലും കൊടി തോരണങ്ങളും ഫ്‌ളക്‌സുകളും നിറഞ്ഞു കഴിഞ്ഞു. ചെയ്യുന്നതിലെല്ലാം ഒരു ലോകകപ്പ് ടച്ച് കൊണ്ടുവരാനാണ് ഫുട്‌ബോള്‍ ആരാധകര്‍ ശ്രമിക്കുന്നത്. അത്തരത്തിലൊരു ആരാധികയുടെ മെറ്റേണിറ്റി ഫോട്ടോഷൂട്ടാണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. 

നിറവയറുമായി ഫോട്ടോയ്ക്ക് പോസ് ചെയ്തിരിക്കുകയാണ് തൃശൂര്‍ കുന്നത്തങ്ങാടി സ്വദേശിനി സോഫിയ രഞ്ജിത്ത്. കടുത്ത മെസി ആരാധികയാണ് സോഫിയ. മെസിയുടെ പേരെഴുതിയ അര്‍ജന്റീന ജേഴ്‌സി ധരിച്ചാണ് സോഫിയ ഫോട്ടോയ്ക്ക് പോസ് ചെയ്തിരിക്കുന്നത്. 

View this post on Instagram

A post shared by lal frames (@lal_frames)

സോഫിയയുടെ ഭര്‍ത്താവും ഫ്രീലാന്‍സ് ഫോട്ടോഗ്രാഫറുമായ മലപ്പുറം മേല്‍മുറി സ്വദേശി രഞ്ജിത് ലാല്‍ ആണ് ചിത്രങ്ങള്‍ പകര്‍ത്തിയത്. ലാല്‍ ഫ്രെയ്മ്‌സ് എന്ന ഇന്‍സ്റ്റഗ്രാം അക്കൗണ്ടിലൂടെയാണ് ചിത്രങ്ങളും വീഡിയോയും പങ്കുവെച്ചിരിക്കുന്നത്. 

View this post on Instagram

A post shared by lal frames (@lal_frames)

രഞ്ജിത് ലാലിന്റെ ഐഡിയയാണ് ഇങ്ങനെയൊരു ഫോട്ടോഷൂട്ട്. ഐഡിയ പറഞ്ഞപ്പോള്‍ തന്നെ കടുത്ത മെസി-അര്‍ജന്റീന ആരാധികയായ സോഫിയ സമ്മതം മൂളുകയായിരുന്നു. ഖത്തറില്‍ അര്‍ജന്റീന ലോകകപ്പ് ഉയര്‍ത്തുന്നത് കാണാമെന്ന പ്രതീക്ഷയിലാണ് സോഫിയ കാത്തിരിക്കുന്നത്.