Mbappe Injury: എംബാപ്പെയുടെ മൂക്കിനേറ്റ പരിക്ക് സാരമുള്ളത്, ഇനി മാസ്ക് ഇട്ട് കളിക്കണം

Mbappe, Injury

ഓസ്ട്രിയക്കെതിരായ യൂറോ കപ്പിലെ ആദ്യ മത്സരത്തിനിറങ്ങിയ ഫ്രാന്‍സിന്റെ സൂപ്പര്‍ താരം കിലിയന്‍ എംബാപ്പയ്ക്ക് പരിക്ക്. താരത്തിന്റെ പരിക്ക് സാരമുള്ളതാണെന്നും അടുത്ത മത്സരം എംബാപ്പെയ്ക്ക് നഷ്ടമാകുമെന്നുമുള്ള വാര്‍ത്തകളാണ് നിലവില്‍ വരുന്നത്. യൂറോ കപ്പ് മത്സരങ്ങള്‍ നഷ്ടമാകാന്‍ സാധ്യതയുണ്ട് എന്നതിനാല്‍ തന്നെ മൂക്കിനേറ്റ പരിക്ക് മാറാനുള്ള ശസ്ത്രക്രിയ താരം ഇപ്പോള്‍ നടത്തില്ല. പകരം ടൂര്‍ണമെന്റില്‍ ഉടനീളം മാസ്‌ക് അണിഞ്ഞാകും എംബാപ്പെ കളിക്കുക.

ഗ്രൂപ്പ് ഘട്ടത്തില്‍ നെതര്‍ലന്‍ഡ്‌സിനെതിരായ മത്സരം താരത്തിന് നഷ്ടമാകും. എന്നാല്‍ പോളണ്ടിനെതിരായ മത്സരത്തോടെ താരം ടീമില്‍ തിരിച്ചെത്തിയേക്കും. ഇന്നലെ ഓസ്ട്രിയക്കെതിരെ വിജയിച്ചെങ്കിലും കഴിഞ്ഞ ലോകകപ്പിലെ പോലെ മിന്നുന്ന പ്രകടനമല്ല ഫ്രാന്‍സില്‍ നിന്നും ഉയര്‍ന്നത്. എംബാപ്പെയ്ക്ക് ഗ്രൂപ്പ് ഘട്ടത്തിലെ മത്സരങ്ങള്‍ നഷ്ടമാകുന്നത് ഫ്രാന്‍സ് ടീമിന് വലിയ തിരിച്ചടിയാകുമെന്നാണ് ഫുട്‌ബോള്‍ ആരാധകരും വിലയിരുത്തുന്നത്.