കോപ്പ അമേരിക്ക ടൂര്‍ണമെന്റിന് ദിവസങ്ങള്‍ മാത്രം ബാക്കിനില്‍ക്കെ നെയ്മർ ആരാധകരെ ഞെട്ടിക്കുന്ന വാർത്ത്. പാരീസ് സെന്റ് ജെര്‍മന്റെ ബ്രസീല്‍ സൂപ്പര്‍താരം നെയ്മര്‍ക്കെതിരേ ബലാല്‍സംഗക്കേസ് രജിസ്റ്റർ ചെയ്ത് പൊലീസ്.
ഇന്‍സ്റ്റാഗ്രാമിലൂടെ പരിചയപ്പെട്ട യുവതിയെ പാരീസില്‍ വിളിച്ചുവരുത്തി ഹോട്ടലില്‍വെച്ച് ബലാത്സംഗം ചെയ്തുവെന്നാണ് താരത്തിനെതിരെയുള്ള കേസ്. സാവോ പോളോ പോലീസ് സ്‌റ്റേഷനില്‍ ഫയല്‍ ചെയ്ത കേസിലെ രേഖകളെ ഉദ്ധരിച്ച് ബ്രസീല്‍ മാധ്യമങ്ങളാണ് ഇക്കാര്യം റിപ്പോര്‍ട്ട് ചെയ്തിരിക്കുന്നത്.
മേയ് 15-നായിരുന്നു കേസിനാസ്പദമായ സംഭവം. പക്ഷേ, കഴിഞ്ഞ ശനിയാഴ്ചയാണ് യുവതി പരാതിയുമായി രംഗത്തെത്തിയത്. പാരീസ് സ്വദേശിനിയാണ് യുവതി. നെയ്മർ ഇൻസ്റ്റഗ്രാം വഴി പരിചയപ്പെടുകയും പാരീസിലേക്ക് ക്ഷണിക്കുകയും ചെയ്യുകയായിരുന്നുവെന്ന് പരാതിയിൽ പറയുന്നു.
നെയ്മറിന്റെ ക്ഷണപ്രകാരം പാരീസിലെത്തിയ യുവതി ഒരു ഹോട്ടലിൽ മുറിയെടുത്ത് താമസിച്ചു. ഇവിടെക്ക് നെയ്മർ വരുമ്പോൾ അദ്ദേഹം നന്നായി മദ്യപിച്ചിരുന്നു. റൂമിലെത്തിയ തന്നെ അദ്ദേഹം ബലാത്സംഗം ചെയ്യുകയായിരുന്നു എന്നാണ് പരാതിയിൽ പറയുന്നത്. രാതിക്കാരിയെ വൈദ്യ പരിശോധനയ്ക്ക് വിധേയയാക്കുമെന്ന് സാവോ പോളോ പോലീസ് അറിയിച്ചു.