ബ്രസീലിയൻ സൂപ്പര്താരം പിഎസ്ജി വിടാനൊരുങ്ങുന്നതായി റിപ്പോര്‍ട്ട്. നിരവധി കാരണങ്ങള്‍ ചൂണ്ടിക്കാട്ടി ക്ലബ്ബ് വിടാനുള്ള താല്‍പ്പര്യം പിഎസ്ജി ചെയർമാനെ താരം അറിയിച്ചുവെന്ന് സ്‌പാനിഷ് മാധ്യമങ്ങള്‍ റിപ്പോര്‍ട്ട് ചെയ്യുന്നു.
റഷ്യന്‍ ലോകകപ്പിനു ശേഷം ഫ്രഞ്ച് താരം എംബാപ്പെ ടീമിലെ ശ്രദ്ധാ കേന്ദ്രമായതും ഫ്രഞ്ച് ലീഗിൽ മത്സരങ്ങള്‍ക്ക് വീര്യം കുറവായതും മൂലമാണ് മെയ്‌മര്‍ പിഎസ് ജി വിടാന്‍ താല്‍പ്പര്യം കാണിക്കുന്നത്. ടീമിലെ സൂപ്പര്‍താര പദവി ഇപ്പോള്‍ എംബാപ്പെ സ്വന്തമാക്കിയത് ബ്രസീല്‍ താരത്തെ മാനസികമായി അലട്ടുന്നുണ്ടെന്നും വാര്‍ത്തകള്‍ പുറത്തുവരുന്നുണ്ട്.
ഈ സീസണിലെ ചാമ്പ്യൻസ് ലീഗ് പോരാട്ടത്തില്‍ പി എസ് ജിയുടെ പ്രകടനം കണക്കിലെടുത്താകും നെയ്‌മര്‍ ക്ലബ് വിടുന്നതില്‍ തീരുമാനമെടുക്കുക. ക്ലബ്ബ് വിടുകയാണെങ്കില്‍ റയൽ മാഡ്രിഡിലേക്കായിരിക്കും നെയ്മർ പോകുകയെന്നാണ് മാധ്യമങ്ങള്‍ പറയുന്നത്.
ക്രിസ്‌റ്റ്യാനോ റൊണാള്‍ഡോ ഒഴിച്ചിട്ടു പോയ വിടവും ടീമില്‍ സൂപ്പര്‍ താരങ്ങള്‍ നിലവില്‍ ഇല്ലാത്തതുമാണ് റയലിലേക്ക് പോകാന്‍ നെയ്‌മറെ പ്രേരിപ്പിക്കുന്നത്. അതേസമയം, താരത്തെ തിരിച്ചു പിടിക്കാന്‍ ബാഴ്‌സലോണയും ശ്രമിക്കുന്നുണ്ട്.