സണ്‍റൈസേഴ്‌സ് ഹൈദരബാദ് തന്നെ റിലീസ് ചെയ്തതില്‍ അത്ഭുതമൊന്നും തോന്നിയില്ലെന്ന് കെയ്ന്‍ വില്യംസണ്‍. സണ്‍റൈസേഴ്‌സ് തന്നെ നിലനിര്‍ത്തില്ലെന്ന് നേരത്തെ സൂചന ലഭിച്ചിരുന്നെന്നാണ് വില്യംസണ്‍ പറയുന്നത്. സണ്‍റൈസേഴ്‌സില്‍ കളിച്ച സമയം ഏറെ ആസ്വദിച്ചെന്നും വില്യംസണ്‍ പറഞ്ഞു.
' സണ്‍റൈസേഴ്‌സ് നിലനിര്‍ത്തിയ താരങ്ങളുടെ പട്ടിക പുറത്തുവന്നപ്പോള്‍ അതില്‍ അത്ഭുതമൊന്നും തോന്നിയില്ല. അങ്ങനെയാണ് കാര്യങ്ങള്‍. സണ്‍റൈസേഴ്‌സില്‍ കളിച്ച സമയം ഞാന്‍ ഏറെ ആസ്വദിച്ചു. ഒരുപാട് നല്ല ഓര്‍മകള്‍ അവിടെയുണ്ട്. ലോകത്ത് വിവിധ ടൂര്‍ണമെന്റുകളുണ്ട്. ഐപിഎല്ലും അത്തരത്തില്‍ മികച്ചൊരു ടൂര്‍ണമെന്റാണ്,' വില്യംസണ്‍ പറഞ്ഞു.