പങ്കാളിയുമായോ സുഹൃത്തുമായോ ഇതെല്ലാം നിങ്ങള്‍ പങ്കുവെച്ചിരുന്നോ ? എങ്കില്‍ സൂക്ഷിച്ചോളൂ...

ഒരാള്‍ ഉപയോഗിക്കുന്ന ഹെ‍ഡ്ഫോണ്‍ ഒരുകാരണവശാലും മറ്റൊരാള്‍ ഉപയോഗിക്കരുത്

ദൈനംദിന ജീവിതത്തില്‍ സുഹൃത്തുക്കളുമായും പങ്കാളിയുമായുമായൊക്കെ പല കാര്യങ്ങളും പങ്കിടാറുണ്ട്. ചിലപ്പോള്‍ അതൊരു രഹസ്യമോ, ഭക്ഷണമോ, അല്ലെങ്കില്‍ അതുപോലെയുള്ള എന്തെങ്കിലുമൊക്കെ ആയിരിക്കാം. എന്നാല്‍ മറ്റുള്ളവരുമായി ഒരിക്കലും പങ്കിടാന്‍ പാടില്ലാത്ത ചില കാര്യങ്ങളുണ്ട്. എന്തെല്ലാമാണ് അവയെന്ന് നോക്കാം. 

ഹെഡ്ഫോണുകള്‍: ഒരാള്‍ ഉപയോഗിക്കുന്ന ഹെ‍ഡ്ഫോണ്‍ ഒരുകാരണവശാലും മറ്റൊരാള്‍ ഉപയോഗിക്കരുത്. ഇതുമൂലം ബാക്‌ടീരിയകള്‍ ഒരാളില്‍നിന്ന് മറ്റൊരാളിലേക്ക് പകരുകയും ഇന്‍ഫെക്ഷനു കാരണമാകുകയും ചെയ്യും.

കുളിക്കാനുള്ള ടവല്‍, തോര്‍ത്ത്: ഇത് ഒന്നിലധികം പേര്‍ ഉപയോഗിക്കുന്നത് പലതരം ത്വക്ക്‌രോഗങ്ങള്‍ക്ക് കാരണമാകും. മുഖക്കുരു, ചൊറിച്ചില്‍ എന്നിവയൊക്കെ ഇത്തരത്തില്‍ പകരാന്‍ സാധ്യതയുണ്ട്.

ലിപ്‌സ്റ്റിക്ക്: ഒരാള്‍ ഉപയോഗിക്കുന്ന ലിപ്‌സ്റ്റിക്ക് മറ്റൊരാള്‍ ഉപയോഗിക്കുന്നത് പലതരം വൈറസുകള്‍ പകരാനും, ത്വക്ക്‌രോഗങ്ങള്‍ക്കും കാരണമാകും. 

ടൂത്ത്ബ്രഷ്: ടൂത്ത്ബ്രഷുകള്‍ പങ്കുവെയ്‌ക്കുന്നതു മൂലം വായ്പ്പുണ്ണ്, ബാക്ടീരിയല്‍ ഇന്‍ഫെക്ഷന്‍ എന്നിവ പിടിപെടാന്‍ സാധ്യതയുണ്ട്. 

ഷേവിങ് റേസര്‍: ഷേവ് ചെയ്യാന്‍ ഉപയോഗിക്കുന്ന റേസര്‍ മറ്റൊരാള്‍ ഉപയോഗിക്കാന്‍ പാടില്ല. ഇത് ഫംഗസ്-ബാക്ടീരിയ-വൈറസ് എന്നിവ പകരാനുള്ള സാധ്യത വര്‍ദ്ധിപ്പിക്കുകയും ഗുരുതരമായ ത്വക്ക്‌രോഗങ്ങള്‍ക്ക് കാരണമാകുകയും ചെയ്യുന്നു.

ചീര്‍പ്പ്: ഒരാള്‍ ഉപയോഗിക്കുന്ന ചീര്‍പ്പ് മറ്റൊരാള്‍ ഉപയോഗിക്കുന്നത് മൂലം താരന്‍, മുടികൊഴിച്ചില്‍ തുടങ്ങിയ പ്രശ്‌നങ്ങള്‍ പിടിപെടാന്‍ സാധ്യതയുണ്ട്.

ഡിയോഡറന്റ്: നിങ്ങള്‍ ഉപയോഗിക്കുന്ന ഡിയോഡറന്റ് മറ്റൊരാള്‍ക്ക് കൈമാറുന്നത് മൂലം അണുക്കള്‍ പകരാനും ത്വക്ക്‌രോഗം പിടിപെടാനും കാരണമാകും.

കണ്ണട: സണ്‍ഗ്ലാസ് പോലെയുള്ളവ ഒന്നിലധികം പേര്‍ ഉപയോഗിക്കുന്നത് മൂലം കണ്ണിനെ ബാധിക്കുന്ന ഇന്‍ഫെക്ഷന്‍ പകരാനുള്ള സാധ്യത കൂടുതലാണ്.

സോപ്പ്: മറ്റൊരാള്‍ ഉപയോഗിക്കുന്ന സോപ്പ് കുളിക്കാന്‍ എടുക്കരുത്. ഇത്തരത്തില്‍ ചെയ്യുന്നത് മൂലം ത്വക്ക്‌രോഗങ്ങള്‍ പകരാനുള്ള സാധ്യത കൂടുതലാണ്.

നെയ്ല്‍ കട്ടര്‍: നഖം മുറിക്കുന്ന നെയ്ല്‍ കട്ടര്‍ പങ്കുവെക്കുന്നതുമൂലം ഹെപ്പറ്റൈറ്റിസ്, മറ്റുപലതരം ഇന്‍ഫെക്ഷനുകള്‍ എന്നിവക്ക് സാധ്യത കൂടുതലാണ്.

ഹെല്‍മെറ്റും തൊപ്പിയും: തൊപ്പിയും ഹെല്‍മെറ്റും മറ്റൊരാളുമായി പങ്കുവെക്കുന്നതുമൂലം‍, മുടികൊഴിച്ചില്‍, താരന്‍ എന്നിവ പകരാനുള്ള സാധ്യത കൂടുതലാണ്. കൂടാതെ തലമുടിയെ ബാധിക്കുന്ന ഫംഗല്‍ ഇന്‍ഫെക്ഷനും കാരണമാകും

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം