പ്രമേഹവും ഹൈപ്പര്‍ ഗ്ലൈസീമിയയും: യഥാര്‍ത്ഥ വ്യത്യാസം എന്താണ്? വിദഗ്ദ്ധര്‍ വിശദീകരിക്കുന്നു

പലപ്പോഴും പരസ്പരം ആശയക്കുഴപ്പത്തിലാകുന്ന രണ്ട് വാക്കുകളാണ് ഹൈപ്പര്‍ ഗ്ലൈസീമിയയും പ്രമേഹവും.

ആരോഗ്യ മേഖലയില്‍, വാക്കുകള്‍ പരസ്പരം മാറിമാറി ഉപയോഗിക്കാറുണ്ട്, ഇത് ആശയക്കുഴപ്പത്തിനും ചിലപ്പോള്‍ ഗുരുതരമായ മറ്റ് പ്രശ്‌നങ്ങള്‍ക്കും കാരണമാകുന്നു. പലപ്പോഴും പരസ്പരം ആശയക്കുഴപ്പത്തിലാകുന്ന രണ്ട് വാക്കുകളാണ് ഹൈപ്പര്‍ ഗ്ലൈസീമിയയും പ്രമേഹവും. ഇവ രണ്ടും പരസ്പരം ബന്ധപ്പെട്ടിരിക്കുന്നുവെങ്കിലും, പരസ്പരം മാറ്റാവുന്നതല്ല, ശരിയായ ആരോഗ്യ മാനേജ്‌മെന്റിനും പ്രതിരോധത്തിനും അവയുടെ അര്‍ത്ഥങ്ങളെക്കുറിച്ചുള്ള വ്യത്യാസം മനസിലാക്കേണ്ടത് അത്യന്താപേക്ഷിതമാണ്. ഉദാഹരണത്തിന് എല്ലാ സമചതുരങ്ങളും ചതുരങ്ങളാണ് പക്ഷേ എല്ലാ ചതുരങ്ങളും സമചതുരങ്ങളല്ല. അതുപോലെ, എല്ലാ പ്രമേഹ കേസുകളിലും ഹൈപ്പര്‍ ഗ്ലൈസീമിയ കാണപ്പെടുന്നു, പക്ഷേ ഹൈപ്പര്‍ ഗ്ലൈസീമിയയുടെ എല്ലാ കേസുകളും പ്രമേഹമല്ല.

ലളിതമായി പറഞ്ഞാല്‍, ഹൈപ്പര്‍ ഗ്ലൈസീമിയ എന്നത് രക്തത്തിലെ ഉയര്‍ന്ന ഗ്ലൂക്കോസിന്റെ (പഞ്ചസാര) അളവാണ്. ഗ്ലൂക്കോസ് നമ്മുടെ ശരീരത്തിന്റെ ഇന്ധനമാണ്, അതിന്റെ അളവ് പാന്‍ക്രിയാസ് സ്രവിക്കുന്ന ഹോര്‍മോണായ ഇന്‍സുലിന്‍ ശ്രദ്ധാപൂര്‍വ്വം നിയന്ത്രിക്കുന്നു. ഈ നിര്‍ണായക സന്തുലിതാവസ്ഥ തകരാറിലായാല്‍, രക്തത്തിലെ പഞ്ചസാരയുടെ അളവ് സാധാരണ നിലയേക്കാള്‍ ഉയര്‍ന്നേക്കാം. ഹൈപ്പര്‍ ഗ്ലൈസീമിയ ഇടയ്ക്കിടെ സംഭവിക്കുന്ന ഒരു അവസ്ഥയായാണ് ഇത് പല കാരണങ്ങളാല്‍ ഇത് സംഭവിക്കാം. 

ഇത്തരം സന്ദര്‍ഭങ്ങളില്‍, ഇതിന് കാരണമാകുന്ന ഘടകം നീക്കം ചെയ്താലുടന്‍, രക്തത്തിലെ പഞ്ചസാരയുടെ അളവ് സാധാരണ നിലയിലേക്ക് മടങ്ങും. ഇത് ഒരു രോഗമല്ലെങ്കിലും, ആവര്‍ത്തിച്ചുള്ളതോ നിലനില്‍ക്കുന്നതോ ആയ ഹൈപ്പര്‍ ഗ്ലൈസീമിയ, പ്രമേഹമാണെന്ന് കണ്ടെത്തിയിട്ടില്ലെങ്കില്‍ പോലും, വളരെക്കാലം ഇങ്ങനെ ഉണ്ടാകന്നത് ശരീരത്തിന് ദോഷകരമായേക്കാം.   

എന്നാല്‍ പ്രമേഹം വിട്ടുമാറാത്ത ഒരു ഉപാപചയ രോഗമാണ്. ഇന്‍സുലിന്റെ അപര്യാപ്തമായ ഉല്‍പാദനം മൂലമാണ് പ്രമേഹം ഉണ്ടാകുന്നത്. രക്തത്തിലെ ഗ്ലൂക്കോസിന്റെ അളവ് നിരന്തരം ഉയര്‍ന്ന നിലയില്‍ (ക്രോണിക് ഹൈപ്പര്‍ ഗ്ലൈസീമിയ) കാണപ്പെടുന്ന ഒരു രോഗമാണിത്.