ശരീരഭാരം കുറയ്ക്കാൻ സഹായിക്കുന്ന ഭക്ഷണങ്ങൾ ഏതൊക്കെയെന്ന് അറിയാമോ?

ആരോഗ്യകരമായ ശരീരഭാരം കാത്തുസൂക്ഷിക്കാൻ ചില പരിശ്രമങ്ങൾ ഒക്കെ നടത്തേണ്ടതായുണ്ട്. നാരുകൾ അടങ്ങിയ ഭക്ഷണം കഴിക്കുന്നതിലൂടെ ഈ ആവശ്യം ഒരു പരിധി വരെ പോസിറ്റീവ് ആയി വെയ്ക്കാൻ കഴിയും. ഇത് അമിത വിശപ്പ് കുറയ്ക്കുക ചെയ്യുന്നു. അമിതഭാരമുള്ളവരെ ശരീരഭാരം കുറയ്ക്കാൻ ആ​ഗ്രഹിക്കുന്നവരോ ഫൈബർ കൂടുതലുള്ള ഭക്ഷണക്രമം ശീലമാക്കണമെന്ന് പഠനങ്ങൾ പറയുന്നു. 

ചിയ വിത്തുകൾ മികച്ചത്. നാരുകൾ, പ്രോട്ടീൻ, ഒമേഗ-3 ഫാറ്റി ആസിഡുകൾ തുടങ്ങിയ പോഷകങ്ങളാൽ നിറഞ്ഞിരിക്കുന്നു. അവ കൂടുതൽ നേരം വയറു നിറഞ്ഞതായി തോന്നിപ്പിക്കുകയും മെറ്റബോളിസം വർദ്ധിപ്പിക്കാനും സഹായിക്കുന്നു.

പയർ വർഗ്ഗങ്ങൾ: ഒരു കപ്പിൽ 15 ഗ്രാം നാരുകൾ അടങ്ങിയിട്ടുണ്ട്. സൂപ്പുകളിലും സലാഡുകളിലും ഇവ ചേർത്ത് കഴിക്കാം. പയറിൽ പ്രോട്ടീൻ ധാരാളം അടങ്ങിയിട്ടുണ്ട്. ഇത് പേശികൾ, എല്ലുകൾ, ചർമ്മം എന്നിവ നിർമ്മിക്കാനും നിലനിർത്താനും സഹായിക്കുന്നു. പ്രോട്ടീൻ വിശപ്പ് നിയന്ത്രിക്കാനും ശരീരഭാരം കുറയ്ക്കാനും സഹായിക്കും.

അവക്കാഡോ: ഒരു അവാക്കാഡോയിൽ 10 ​ഗ്രാം പ്രോട്ടീൻ അടങ്ങിയിട്ടുണ്ട്. ഉയർന്ന നാരുകളും ആരോഗ്യകരമായ കൊഴുപ്പും അടങ്ങിയ അവാക്കാഡോ ശരീരത്തിലെ അധിക കൊഴുപ്പ് കുറയ്ക്കുന്നതിന് സ​ഹായിക്കുന്നു.

റാസ്ബെറി: സമീകൃതാഹാരത്തിന്റെ ഭാഗമായി എല്ലാ ദിവസവും റാസ്ബെറി കഴിക്കുന്നത് തികച്ചും നല്ലതാണ്. അവയിൽ കലോറി കുറവാണ്. നാരുകൾ കൂടുതലാണ്.

ബ്രോക്കോളി: ബ്രൊക്കോളിയിലെ കുറഞ്ഞ കലോറിയും ഉയർന്ന നാരുകളുടെയും വെള്ളത്തിന്റെയും അളവ് ശരീരഭാരം കുറയ്ക്കാൻ സഹായിക്കുന്നു. ബ്രൊക്കോളി സൂപ്പായോ സാലഡിനൊപ്പമോ എല്ലാം കഴിക്കാം.

ഓട്സ്: വയറു നിറയാനും വിശപ്പ് കുറയ്ക്കാനും കലോറി കുറയ്ക്കാനും ഓട്‌സ് സഹായിക്കുമെന്ന് പഠനങ്ങൾ കാണിക്കുന്നു. ശരീരഭാരം കുറയ്ക്കാൻ ആഗ്രഹിക്കുന്നവർക്ക് ഇത് സഹായകരമാകും. ഓട്‌സിൽ കൂടുതൽ പ്രോട്ടീനും നാരുകളും അടങ്ങിയിട്ടുണ്ട്.