വെയ്റ്റ് ട്രയിനിങ് തലച്ചോറിനുള്ള ശസ്ത്രക്രിയയാണ്; ന്യൂറോ സര്‍ജന്റെ വെളിപ്പെടുത്തല്‍

നിങ്ങളുടെ ദിനചര്യയില്‍ ശക്തി പരിശീലനത്തിന് മുന്‍ഗണന നല്‍കുന്നുണ്ടോ? ഇല്ലെങ്കില്‍ അത് ചെയ്യേണ്ട സമയമായി. തലച്ചോറിന്റെ ആരോഗ്യത്തിന് വെയ്റ്റ് ട്രയിനിങിന്റെ പ്രാധാന്യം ഊന്നിപ്പറഞ്ഞുകൊണ്ട് ഹൈദരാബാദിലെ അപ്പോളോ ഹോസ്പിറ്റലിലെ ന്യൂറോളജിസ്റ്റായ ഡോ. സുധീര്‍ കുമാര്‍ തന്റെ ഇന്‍സ്റ്റഗ്രാമില്‍ ഇക്കാര്യം പങ്കുവച്ചു. ഭാരം ഉയര്‍ത്തുന്നത് തലയോട് പൊട്ടിക്കാതെയുള്ള മസ്തിഷ്‌ക ശസ്ത്രക്രിയയാണെന്ന് അദ്ദേഹം പറഞ്ഞു. 

നിങ്ങള്‍ ഭാരം ഉയര്‍ത്തുന്നില്ലെങ്കില്‍ നിങ്ങളുടെ തലച്ചോറ് ആവശ്യമുള്ളതിനേക്കാള്‍ വേഗത്തില്‍ പ്രായമാകുന്നു. സ്ഥിരമായ വെയ്റ്റ് ട്രയിനിങ് നിങ്ങളുടെ തലച്ചോറിന്റെ പ്രായം 2 വര്‍ഷം വരെ കുറയ്ക്കാന്‍ സഹായിക്കുമെന്ന് കണ്ടെത്തിയിട്ടുണ്ട്. മാത്രമല്ല ശക്തി പരിശീലനം നമ്മുടെ മെമ്മറി വര്‍ദ്ധിപ്പിക്കുകയും കൂടുതല്‍ വിവരങ്ങള്‍ വേഗത്തില്‍ കൈവശം വയ്ക്കാനും പ്രോസസ്സ് ചെയ്യാനും നമ്മെ സഹായിക്കുകയും ചെയ്യും. ശ്രദ്ധ വ്യതിചലനങ്ങളുടെ ലോകത്ത് മെച്ചപ്പെട്ട ശ്രദ്ധ കേന്ദ്രീകരിക്കല്‍ ഉള്‍പ്പെടെ ഇത് സഹായിക്കുന്നു.

ഭാരം ഉയര്‍ത്തുന്നത് ന്യൂറോണുകളുടെ വളര്‍ച്ചയ്ക്ക് സഹായിക്കുന്ന BDNF (ബ്രെയിന്‍-ഡെറിവേറ്റഡ് ന്യൂറോട്രോഫിക് ഫാക്ടര്‍), IGF-1 എന്നിവയുടെ ഉല്‍പാദനത്തിന് കാരണമാകുന്നു. അവ കോശങ്ങളുടെ അതിജീവനം, ന്യൂറോപ്ലാസ്റ്റിസിറ്റി, നിങ്ങളുടെ വെളുത്ത ദ്രവ്യത്തിന്റെ സമഗ്രത എന്നിവയെ പിന്തുണയ്ക്കുന്നു- ഡോ. സുധീര്‍ വിശദീകരിച്ചു.