Karkidaka Kanji : എന്തുകൊണ്ട് കർക്കടക കഞ്ഞി, ശരീരത്തിനുള്ള ഗുണങ്ങൾ അറിയാമോ?

Karkkidaka Kanji

സീസണല്‍ രോഗങ്ങള്‍ വെല്ലുവിളിയുയര്‍ത്തുന്ന കാലമാണ് മണ്‍സൂണ്‍ സമയം. കേരളത്തില്‍ മഴ ശക്തമായി നില്‍ക്കുന്ന കര്‍ക്കടകമാസം ആത്മീയമായും ആരോഗ്യപരമായും ഏറെ പ്രാധാന്യമുള്ള സമയമാണ്. കര്‍ക്കടകമാസത്തില്‍ ദഹനശക്തി സാധാരണയായി കുറയുന്നു. കൂടാതെ ത്രിദോഷങ്ങളായ വാതം, കഫം, പിത്തം എന്നിവയുടെ ബുദ്ധിമുട്ടുകളും ഈ സമയത്ത് വര്‍ധിക്കാറുണ്ട്. അതിനാല്‍ തന്നെ ആരോഗ്യസംരക്ഷണത്തിനായി ഔഷധകഞ്ഞി ഈ കാലയളവില്‍ കഴിക്കുന്നത് മലയാളികളുടെ ഒരു ശീലമാണ്. 

 കര്‍ക്കടക കഞ്ഞിയിലെ ചേരുവകള്‍

• ഞവര അരി, കുത്തരി
• മുക്കൂറ്റി, കീഴാര്‍നെല്ലി, ചെറുള , മുയല്‍ ചെവിയന്‍, കറുക തുടങ്ങിയ ഔഷധസസ്യങ്ങള്‍
• ഉലുവ, പ്രാദേശിക കടകളില്‍ ലഭിക്കുന്ന ആറ് ധാന്യങ്ങളുടെ കിറ്റ്
• ഇഞ്ചി, കുരുമുളക്, ജീരകം മുതലായവ
•  രുചിക്ക് ശര്‍ക്കരയോ, ഈന്തപ്പഴമോ ചേര്‍ക്കാം

മഴക്കാലത്ത് ഔഷധകഞ്ഞി കുടിക്കുന്നതിലെ ഗുണങ്ങള്‍

• ത്രിദോഷങ്ങള്‍ ഇല്ലാതെയാക്കുന്നു
• രക്തം ശുദ്ധീകരിക്കുന്നു
• ദഹനം മെച്ചപ്പെടുത്തുന്നു
• പ്രതിരോധശേഷി വര്‍ധിപ്പിക്കുന്നു
• മാനസികമായി മെച്ചപ്പെടുത്തുന്നു, നല്ല ഉറക്കം സമ്മാനിക്കുന്നു

സാധാരണയായി ഒരു മാസമാണ് ഔഷധകഞ്ഞി ഉപയോഗിക്കാറുള്ളത്. എന്നാല്‍ ചിലര്‍ ആവശ്യാനുസാരം 10,20,30,40 ദിവസങ്ങളില്‍ ഇത് ഉപയോഗിക്കുന്നു. വയറിന്റെ ശരിയായ പ്രവര്‍ത്തനം ഉറപ്പാക്കാന്‍ ഔഷധകഞ്ഞി ഉത്തമമാണ്.