സ്ത്രീകള്‍ക്ക് സെക്സിനോടാണ് കൂടുതല്‍ ഇഷ്ടമെങ്കില്‍ പിന്നെ പുരുഷന് ആഗ്രഹിക്കുന്നത് എന്തായിരിക്കും? സെക്സ് തന്നെയെയാകുമെന്നുള്ള ഉത്തരം പറയാന്‍ വരട്ടെ. പുരുഷന് കൂടുതല്‍ ഇഷ്ടം അടിപൊളി ജീവിത ശൈലിയാണെന്നാണ് പഠനങ്ങള്‍ പറയുന്നത്. ആധുനിക ജീവിതത്തിലെ 12 ഘടകങ്ങളെക്കുറിച്ചു നടത്തിയ ഒരു ഗവേഷണമാണ് ഇക്കാര്യം വ്യക്തമാക്കുന്നത്.
സ്നേഹം, സെക്സ്, കുടുംബം എന്നിവയിലാണ് സ്ത്രീകള്‍ ഏറ്റവുമധികം സംതൃപ്തി കണ്ടെത്തുന്നത്. എന്നാല്‍ പുരുഷന്മാര്‍ക്ക് അവരുടെ ജീവിത ശൈലിയോടും രൂപഭംഗിയോടുമാണ് താല്‍‌പര്യം. ശമ്പളം, ശരീരഭംഗി, കാഴ്ചയിലെ ആകര്‍ഷണീയത എന്നിവയിലാണ് പുരുഷന്മാര്‍ സന്തോഷം കണ്ടെത്തുന്നത്. മിക്ക പുരുഷന്മാരും നിരാശയിലാണ്ടു പോകുന്നത് പണമില്ലാ‍ത്തപ്പോഴാണ്. ശരാശരി മുതിര്‍ന്നവരുടെ ആനന്ദത്തിന്റെ അളവുകോല്‍ 64 ശതമാനമാണ്.
കുടുംബത്തെ പരിപാലിക്കുന്നതിലും സ്നേഹത്തിലും സെക്സിലും അഭിരമിക്കാനാണ് സ്ത്രീക്ക് താല്‍‌പര്യം. കുടുംബാന്തരീക്ഷവും ആരോഗ്യവും അനുസരിച്ചാണ് സ്ത്രീകളുടെ സന്തോഷമെന്നും പഠനം തെളിയിക്കുന്നു. പുരുഷന്മാരാവട്ടെ മറ്റുവള്ളവര്‍ തങ്ങളെക്കുറിച്ച് എന്തുവിചാരിക്കുമെന്ന് ചിന്തിക്കുന്നവരാണ്. ജോലി സുരക്ഷിതത്വവും സാമ്പത്തിക ഭദ്രതയുമാണ് പുരുഷന്മാര്‍ക്ക് സന്തോഷം പ്രദാനം ചെയ്യുന്നതെന്നും പഠനങ്ങള്‍ പറയുന്നു.