ഉറക്കം അങ്ങനെയാണ്! ആദ്യം കണ്‍ പീലികളില്‍ തലോടി പിന്നെ മനക്കണ്ണിനെ അതിന്‍റെ ആഴത്തിലേക്ക് കൂട്ടിക്കൊണ്ടു പോകും. ശാന്തമായും സ്വസ്ഥമായും ഉറങ്ങുന്നതിനെക്കാള്‍ വലുതായി പൂര്‍ണ ആരോഗ്യത്തിന് വേറെ മികച്ച ഔഷധങ്ങളൊന്നുമില്ലെന്നത് പ്രപഞ്ച സത്യമാണ്.
എന്നാല്‍, അറിയാത്ത താരാട്ടു പാട്ടുകള്‍ പാടി കുഞ്ഞിനെ ഉറക്കുന്ന ഐ ടി അമ്മമാരാണ് ഇക്കാലത്ത് ഉറങ്ങാന്‍ ഏറെ പാടുപെടുന്നതത്രേ. ജോലിസ്ഥലത്തെ സമ്മര്‍ദ്ദം, വീട്ടുകാര്യങ്ങളെക്കുറിച്ചുള്ള ആകുലത, വരാനിരിക്കുന്ന പ്രൊജക്‌ടിനെക്കുറിച്ചുള്ള ടെന്‍ഷന്‍ എന്നിങ്ങനെ രാത്രികള്‍ നിദ്രാവിഹീനങ്ങളാകുന്നതിന് ഒരു വലിയ പട്ടിക തന്നെ ഇവര്‍ക്കുണ്ട്.
പുരുഷനെക്കാള്‍ ഉറക്കം കൂടുതല്‍ ലഭിക്കേണ്ടത് സ്ത്രീകള്‍ക്കാണ്. കാരണം വേറൊന്നുമല്ല, പുരുഷനെ അപേക്ഷിച്ച് ശാരീരികമായി ഒരുപാട് സവിശേഷതകളുള്ള ശരീരമാണ് സ്ത്രീയുടേത്.
ജനനം മുതല്‍ മരണം വരെ ഇത്രയേറെ മാറ്റങ്ങള്‍ സംഭവിക്കുന്നത് സ്ത്രീയുടെ ശരീരത്തില്‍ മാത്രമാണ്. കൌമാരവും യൌവനവും അവളില്‍ വരുത്തുന്ന മാറ്റങ്ങള്‍ നിരവധിയാണ്. ആര്‍ത്തവാരംഭവും ഗര്‍ഭകാലവും ആര്‍ത്തവ വിരാമവും ഒരു സ്ത്രീയുടെ ജീവിതത്തിലെ പ്രധാനപെട്ട മൂന്ന് സമയങ്ങളാണ്. ഈ സമയങ്ങളില്‍ നന്നായുറങ്ങാന്‍ കഴിയുന്ന സ്ത്രീകള്‍ ആരോഗ്യമുള്ള ശരീരത്തിന് ഉടമകളായിരിക്കും എന്നാണ് പഠനങ്ങള്‍ തെളിയിക്കുന്നത്.
IFM
ഗര്‍ഭകാലങ്ങളില്‍ ആണ് സ്ത്രീകള്‍ ഉറങ്ങാന്‍ ഏറ്റവുമധികം ബുദ്ധിമുട്ടുന്നതെന്ന് നാഷണല്‍ സ്ലീപ് ഫൌണ്ടേഷന്‍ നടത്തിയ സര്‍വ്വേ തെളിയിച്ചിരുന്നു. മറ്റുള്ള സമയങ്ങളിലേതിനെക്കാള്‍ ഉറക്കം നഷ്‌ടപ്പെടുന്നത് ഈ സമയങ്ങളിലാണെന്നാണ് സര്‍വ്വേയില്‍ പങ്കെടുത്ത 78 ശതമാനം പേരും അഭിപ്രായപ്പെട്ടത്.
ശാരീരികമായി വരുന്ന രൂപമാറ്റങ്ങളും, ഗര്‍ഭസ്ഥ ശിശുവിന്‍റെ ചലനങ്ങളും, കൂടാതെ മാനസികമായി ഉണ്ടാകുന്ന ഉത്‌കണ്ഠയുമൊക്കെയാണ് ഇക്കാലത്തെ ഉറക്കമില്ലായ്മയ്ക്ക് കാരണം. എങ്കിലും, കഴിയുന്നതും ഈ സമയങ്ങളില്‍ സ്ത്രീകള്‍ നന്നായി ഉറങ്ങണമെന്നാണ് വൈദ്യമേഖല നല്‍കുന്ന നിര്‍ദ്ദേശം. അമ്മയുടെ ഉറക്കം കുഞ്ഞുവാവയുടെ അരോഗ്യത്തെയും ബാധിക്കുമെന്നതിനാല്‍ അമ്മ നന്നായി ഉറങ്ങിയിരിക്കണം.
ഉറക്കം അനാവശ്യമായി നഷ്‌ടപ്പെടുന്നവര്‍ തങ്ങളുടെ ജീവിത ശൈലികളില്‍ ചില മാറ്റങ്ങള്‍ വരുത്തിയാല്‍ നന്നായിരിക്കും. അതിന് ഏറ്റവുമാദ്യം ചെയ്യേണ്ടത് സമ്മര്‍ദ്ദം കുറയ്ക്കുക എന്നതു തന്നെയാണ്. മനസ് സ്വതന്ത്രമാകുമ്പോള്‍ തന്നെ ഉറക്കം പടിവാതില്‍ക്കലെത്തും. പിന്നെ, സ്ഥിരമായി വ്യായാമം ചെയ്യുക, പകലുറങ്ങുന്ന സ്വഭവം ഉണ്ടെങ്കില്‍ അത് മാറ്റുക എന്നതും ശാന്തമായ ഉറക്കം ലഭിക്കുന്നതിന് സഹായകമാകും.
Israel - Iran Conflict: താമസസ്ഥലങ്ങൾക്കരികെ പോലും മിസൈലുകൾ പതിക്കുന്നു, ഇറാനിലെ ഇന്ത്യൻ വിദ്യാർഥികളെ സുരക്ഷിത സ്ഥാനങ്ങളിലേക്ക് മാറ്റാൻ ആരംഭിച്ച് വിദേശകാര്യമന്ത്രാലയം
'നയൻതാര അയാളുമായി പ്രണയത്തിലാണ്': ഇത് എങ്ങനെ നടക്കാനാണ്? - ആ സംഭവത്തെ കുറിച്ച് അന്തനൻ
ധനുഷിനെ കെട്ടണമെന്ന് വാശി പിടിച്ചത് ഐശ്വര്യ, ഒടുവിൽ ഇഷ്ടമില്ലാഞ്ഞിട്ടും രജനികാന്ത് വിവാഹം നടത്തി കൊടുത്തു: അന്തനൻ
ഈ ഗതി ഇനിയൊരു മിണ്ടാപ്രാണിക്കും വരരുത്: പരാതി നൽകാനുണ്ടായ കാരണത്തെ കുറിച്ച് നാദിര്‍ഷ
'സുരേഷ് ഗോപിയുടെ രണ്ടാംവരവിന് നിമിത്തമായത് ഞാന്‍': ജോൺ ബ്രിട്ടാസ്