പൊട്ടാസ്യമടക്കമുള്ള ആരോഗ്യത്തിന് ഏറെ ഗുണകരമായ പല ഘടകങ്ങളും ധാരാളമായി അടങ്ങിയ ഒരു ഫലവര്‍ഗമാണ് പഴം എന്നകാര്യത്തില്‍ ആര്‍ക്കും സംശയമുണ്ടാകില്ല. പഴത്തില്‍ നാരുകള്‍ ധാരാളമടങ്ങിയിരിക്കുന്നതിനാല്‍ മലബന്ധം പോലുള്ള പ്രശ്‌നങ്ങള്‍ക്കും ഏറെ ഉത്തമമാണ്. എന്നാല്‍ വയര്‍ കുറയ്ക്കാനും സഹായിക്കുന്നൊരു വസ്തുവാണു പഴമെന്ന കാര്യം അറിയാമോ ? വളരെ ലളിതമായി പഴം ഒരു പ്രത്യേക രീതിയില്‍ ഉപയോഗിച്ചാല്‍ വയര്‍ കുറയ്ക്കാമെന്നാണ് പഠനങ്ങള്‍ പറയുന്നത്.
പഴത്തിനൊപ്പം ഫ്ലക്‌സ് സീഡുകള്‍, കൊഴുപ്പു കുറഞ്ഞ തൈര്, ഇഞ്ചിപ്പൊടി എന്നിവയാണ് ഇതിനായി വേണ്ടത്. ആദ്യമായി ഇടത്തരം വലിപ്പമുള്ള ഒരു പഴം, ഒരു ടേബിള്‍ സ്പൂണ്‍ ഫ്ലക്‌സ് സീഡ്, രണ്ട് ടീസ്പൂണ്‍ ഇഞ്ചിപ്പൊടി, അരക്കപ്പ് തൈര് എന്നിവയെടുക്കുക. ഈ ചേരുവകളെല്ലാം കൂടി അടിച്ച് ജ്യൂസാക്കി രാവിലെ പ്രാതലിനു മുമ്പ് കുടിക്കുക. ഇത് കുറച്ചുദിവസം ചെയ്യുന്നതോടെതന്നെ അതിന്റെ ഗുണം ലഭ്യമാകുമെന്നാണ് ശാസ്ത്രം പറയുന്നത്. ഇതോടൊപ്പം തന്നെ വ്യായാമം കൂടി ചെയ്യുന്നത് ഉത്തമമാണ്.
തൈരിലും ഫ്ലക്‌സ് സീഡുകളിലും അടങ്ങിയിരിക്കുന്ന പ്രോട്ടീന്‍ ശരീരത്തിലെ കൊഴുപ്പു കത്തിച്ചു കളയാന്‍ സഹായകമാണ്. അതുപോലെ ഇഞ്ചി, പഴം എന്നിവ ശരീരത്തിന്റെ അപചയപ്രക്രിയയെ ശക്തിപ്പെടുത്തുകയും ഇതുവഴി കൊഴുപ്പ് ഇല്ലാതാകുകയും ചെയ്യും. വയറിന്റെ ആരോഗ്യത്തിനും നല്ല ശോധനയ്ക്കുമെല്ലാം ഈ മിശ്രിതം ഏറെ ഉത്തമമാണെന്നാണ് വിദഗ്ദര്‍ അഭിപ്രായപ്പെടുന്നത്.