വൃക്കയുടെ ആരോഗ്യത്തിന് ഈ പാനീയങ്ങൾ

നമ്മുടെ ശരീരത്തിൽ വളരെയധികം പ്രാധാന്യം അർഹിക്കുന്ന ഒരു ആന്തരികാവയവമാണ് വൃക്ക. മറ്റ് അവയവങ്ങളെ പോലെ തന്നെ വളരെയധികം പ്രാധാന്യം ഉള്ള ഒന്ന്. നമ്മുടെ വൃക്കകളെ ആരോഗ്യകരമായി സൂക്ഷിക്കാൻ സഹായിക്കുന്ന ചില പാനീയങ്ങൾ ഏതെന്ന് നോക്കാം

നാരങ്ങ: നാരങ്ങയിൽ ധാരാളം സിട്രേറ്റ് അടങ്ങിയിട്ടുണ്ട്. വൃക്കയിൽ കല്ലുണ്ടാവുന്നത് തടയാൻ ഇവ സഹായിക്കും. പഞ്ചസാരയുടെ അളവ് കൂടിയ ജ്യൂസുകൾ കിഡ്‌നി സ്റ്റോണിന്റെ സാധ്യറ്റ്ഹ കൂട്ടുകയാണ് ചെയ്യുന്നത്. അതുകൊണ്ട് മധുരം ചേർക്കാതെ നാരങ്ങാവെള്ളവും സിട്രസ് പഴങ്ങളായ മുസംബി, ഓറഞ്ച് മുതലായവയുടെ ജ്യൂസും കുടിക്കാവുന്നതാണ്.

മൂത്രനാളിയുടെയും വൃക്കയുടെയും ആരോഗ്യത്തിന് വളരെയേറെ ഗുണകരമായ മറ്റൊന്നാണ് ക്രാൻബെറി.മൂത്രനാളിയിലെ അണുബാധയ്‌ക്ക് കാരണമായ ഈ കോളിയെ തടയാൻ ക്രാൻബെറി ജ്യൂസ് നല്ലതാണ്.

വേറേതൊരു പാനീയത്തേക്കാൾ വൃക്കയുടെ ആരോഗ്യത്തിന് ഏറ്റവും അത്യാവശ്യമായ ഒന്ന് വെള്ളമാണ്.ധാരാളം വെള്ളം കുടിക്കുന്നത് രക്തത്തിൽനിന്നു വിഷാംശങ്ങളെയും മാലിന്യത്തെയും അരിച്ചു നീക്കാൻ വൃക്കകളെ സഹായിക്കുന്നു. ആവശ്യത്തിന് വെള്ളം കുടിച്ചില്ലെങ്കിൽ വൃക്കയിൽ കല്ല് വരുകയും നിർജ്ജലീകരണം സംഭവിക്കുകയും ചെയ്യും.