വാക്‌സിന്‍ സ്വീകരിച്ച ടൂറിസ്റ്റുകള്‍ക്ക് നേപ്പാളില്‍ ക്വാറന്റൈനില്‍ കഴിയേണ്ട

ഇനിമുതല്‍ വാക്‌സിന്‍ സ്വീകരിച്ച ടൂറിസ്റ്റുകള്‍ക്ക് നേപ്പാളില്‍ ക്വാറന്റൈനില്‍ കഴിയേണ്ട. ടൂറിസ്റ്റുകള്‍ ഇതിനായി കൊവിഡ് വാക്‌സിന്റെ രണ്ടു ഡോസും സ്വീകരിച്ചിരിക്കണം. എന്നാലും രാജ്യത്തേക്ക് പ്രവേശിക്കുമ്പോള്‍ 72 മണിക്കൂറിനുള്ളില്‍ എടുത്ത കൊവിഡ് നെഗറ്റീവ് സര്‍ട്ടിഫിക്കറ്റും ഹാജരാക്കേണ്ടിവരും. 

കൂടാതെ രാജ്യത്ത് പ്രവേശിച്ചതിനു ശേഷവും കൊവിഡ് പരിശോധനയ്ക്ക് ടൂറിസ്റ്റുകള്‍ വിധേയരാകേണ്ടതുണ്ട്. കഴിഞ്ഞ ദിവസമാണ് പുതിയ പ്രോട്ടോക്കോള്‍ നേപ്പാള്‍ ടൂറിസം മന്ത്രാലയത്തിന്റെ വെബ്‌സൈറ്റില്‍ പ്രസിദ്ധികരിച്ചത്.