തൈറോയ്ഡ് പ്രശ്നങ്ങൾ: സ്ത്രീകളിൽ കൂടുതൽ സാധ്യത

ശരീരത്തിന്റെ ആരോഗ്യം നിലനിര്‍ത്തുന്നതില്‍ തൈറോയ്ഡ് ഗ്രന്ഥി പ്രധാന പങ്ക് വഹിക്കുന്ന ഗ്രന്ഥിയാണ് തൈറോയ്ഡ്. തൈറോക്‌സിന്‍ (T4), ട്രൈയോഡോ തൈറോനിന്‍ (T3) എന്നീ ഹോര്‍മോണുകളെ ഉത്പാദിപ്പിക്കുന്ന ഈ ഗ്രന്ഥി, ശരീരത്തിലെ ഉപാപചയ പ്രക്രിയ (metabolism), ഊര്‍ജ്ജ നില, ഹൃദയമിടിപ്പ്, ശരീര താപനില തുടങ്ങിയ പ്രവര്‍ത്തനങ്ങളെ നിയന്ത്രിക്കുകയും ചെയ്യുന്നു. എന്നാല്‍ തൈറോയ്ഡ് ഗ്രന്ഥിയുടെ അസന്തുലിതാവസ്ഥ ആരോഗ്യപ്രശ്‌നങ്ങള്‍ക്ക് കാരണമാകുന്നു. തൈറോയ്ഡ് ഹോര്‍മോണുകളുടെ ഉത്പാദനത്തില്‍ ഏറ്റക്കുറച്ചിലുകള്‍ ഉണ്ടാകുമ്പോള്‍, ഹൈപ്പര്‍തൈറോയ്ഡിസം (അധിക ഹോര്‍മോണ്‍ ഉത്പാദനം) അല്ലെങ്കില്‍ ഹൈപ്പോതൈറോയ്ഡിസം (ഹോര്‍മോണ്‍ കുറവ്) എന്നിവയുണ്ടാകാം.

ഇന്ത്യയില്‍, ജനസംഖ്യയുടെ 11% പേര്‍ ഹൈപ്പോതൈറോയ്ഡിസം ബാധിതരാണെന്ന് ലാന്‍സെറ്റ് പഠനം സൂചിപ്പിക്കുന്നു. എന്നാല്‍ ഈ പ്രശ്‌നം പുരുഷന്മാരെക്കാള്‍ സ്ത്രീകളെ കൂടുതല്‍ ബാധിക്കുന്നു. പ്രത്യേകിച്ച്, ആര്‍ത്തവവിരാമത്തിലെ സ്ത്രീകളിലും ഗര്‍ഭിണികളിലും തൈറോയ്ഡ് അസന്തുലിതാവസ്ഥ കൂടുതല്‍ സാധ്യതയുള്ളതാണ്. ഇതിന് പ്രധാന കാരണം ഈ സമയങ്ങളില്‍ സ്ത്രീകളുടെ ശരീരത്തില്‍ ഉണ്ടാകുന്ന ഹോര്‍മോണ്‍ മാറ്റങ്ങളാണ്. തൈറോയ്ഡ് പ്രശ്‌നങ്ങള്‍ കൃത്യമായ ചികിത്സയിലൂടെ നിയന്ത്രിക്കാവുന്നതാണ്. അതിനാല്‍, ലക്ഷണങ്ങള്‍ കണ്ടെത്തുമ്പോള്‍ താമസിയാതെ മെഡിക്കല്‍ സഹായം തേടുക. ആരോഗ്യമുള്ള ജീവിതത്തിന് തൈറോയ്ഡ് ഗ്രന്ഥിയുടെ ആരോഗ്യം പരിപാലിക്കേണ്ടത് അത്യാവശ്യമാണ്.