രാജ്യാന്തര ചലച്ചിത്രമേളയോട് അനുബന്ധിച്ച് ‘പി ഭാസ്ക്കരന്‍റെ കലയും ജീവിതവും’എന്ന പ്രദര്‍ശനം ശ്രദ്ധിക്കപ്പെടുന്നു.മലയാള സിനിമയുടെ അനര്‍ഘനിമിഷങ്ങള്‍ യുവ ജനങ്ങള്‍ക്ക് കറുപ്പും വെളുപ്പും ചിത്രങ്ങളിലൂടെ കാണുവാനുള്ള അവസരമായി പ്രദര്‍ശനം മാറി
മലയാള സിനിമയുടെ സുവര്‍ണ കാലത്തിന്‍റെ സ്മരണകളിരമ്പുതാണ്‌ രാജ്യാന്തര ചലച്ചിത്രമേളയോടനുബന്ധിച്ച്‌ ആരംഭിച്ച ഫോട്ടോ പ്രദര്‍ശനം. ഭാസ്ക്കരന്‍ മാഷിന്‍റെ വ്യക്തിമുദ്ര പതിഞ്ഞ 45-ഓളം സിനിമകളിലെ വിലപ്പെട്ട നിമിഷങ്ങളുടെ നിശ്ചല ദൃശ്യങ്ങള്‍ മലയാള സിനിമാചരിത്രത്തിലേയ്ക്കുള്ള തിരിഞ്ഞു നോട്ടമായി.
ഭാസ്ക്കരന്‍ മാഷ്‌ സഹപ്രവര്‍ത്തകരോടൊപ്പം നില്‍ക്കുന്ന ചിത്രങ്ങള്‍
ജവഹര്‍ലാല്‍ നെഹ്രു, നീലംസഞ്ജീവറെഡി തുടങ്ങിയ ദേശീയ നേതാക്കളോടൊപ്പമുള്ള ചിത്രങ്ങള്‍, കുടുംബചിത്രം എന്നി‍വയുള്‍പ്പെട്ട അപൂര്‍വ്വ ദൃശ്യങ്ങള്‍ പ്രദര്‍ശനത്തിലൂണ്ട്‌.
അന്‍പതോളം കറുപ്പും വെളുപ്പും ചിത്രങ്ങളുടെ പ്രദര്‍ശനം സംവിധായകന്‍ കമല്‍ കൈരളി തിയേറ്റര്‍ അങ്കണത്തില്‍ ഉദ്ഘാടനം ചെയ്തു.
