കത്തിരിക്ക റോസ്റ്റ്

ചേര്‍ക്കേണ്ട ഇനങ്ങള്‍:

കത്തിരിക്ക വട്ടത്തിലരിഞ്ഞത് 6 എണ്ണം
മുളകുപൊടി 1 ടേബിള്‍ സ്പൂണ്‍
മല്ലിപ്പൊടി 2 ടേബിള്‍ സ്പൂണ്‍
മഞ്ഞള്‍പ്പൊടി 1/4 ടീസ്പൂണ്‍
വെളിച്ചെണ്ണ ആവശ്യത്തിന്
ഉപ്പ് പാകത്തിന്

പാകം ചെയ്യേണ്ട വിധം:

അരിഞ്ഞ കത്തിരിക്ക അഞ്ചു മിനിറ്റ് വെള്ളത്തിലിട്ട ശേഷം വാരിയെടുക്കുക. പൊടികളും ഉപ്പും കൂട്ടി യോജിപ്പിച്ച ശേഷം നന്നായരച്ച് കുഴച്ച് കത്തിരിക്കയില്‍ പുരട്ടി 15 മിനിറ്റ് വയ്ക്കണം. അതിനു ശേഷം തിളച്ച വെളിച്ചെണ്ണയില്‍ തവിട്ടു നിറമാകുന്നതു വരെ വറുത്തു കോരി ചൂടോടെ ഉപയോഗിക്കുക.