ബംഗ്ലാദേശില്‍ ഹൈന്ദവ പുരോഹിതനെ മതതീവ്രവാദികള്‍ കഴുത്തറുത്ത് കൊന്നു

ബംഗ്ലാദേശിലെ ധാക്കയില്‍ ഹൈന്ദവ പുരോഹിതനെ മുസ്‌ലിം മതതീവ്രവാദികള്‍ കഴുത്തറുത്ത് കൊന്നു.

ബംഗ്ലാദേശിലെ ധാക്കയില്‍ ഹൈന്ദവ പുരോഹിതനെ മുസ്‌ലിം മതതീവ്രവാദികള്‍ കഴുത്തറുത്ത് കൊന്നു. ക്ഷേത്രത്തിലേക്ക് പോവുകയായിരുന്ന അനന്ദ് ഗോപാല്‍ ഗാംഗുലി(65)യെ ബൈക്കിലെത്തിയ സംഘം മൂര്‍ച്ചയുള്ള ആയുധം ഉപയോഗിച്ച് അക്രമിക്കുകയായിരുന്നു. കഴുത്തിന് മാരകമായി പരുക്കേറ്റ ഗാംഗുലി സംഭവ സ്ഥലത്തുവച്ചു തന്നെ മരിച്ചു. 

ഇന്ന് രാവിലെ 9.30-യോടെയായിരുന്നു സംഭവം നടന്നത്. സംഭവത്തില്‍ പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്. അക്രമികളെ തിരിച്ചറിഞ്ഞിട്ടില്ല. മുസ്‌ലിം ഭൂരിപക്ഷമുള്ള ബംഗ്ലാദേശില്‍ അടുത്ത കാലത്തായി ന്യൂനപക്ഷങ്ങള്‍ക്കെതിരെയുള്ള അക്രമസംഭവങ്ങള്‍ കൂടിവരുന്നുണ്ട്.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം