ഹെലികോപ്റ്ററിലും നാല് കാറിലും നിറയെ പണം, ബാക്കിയായ പണം ഉപേക്ഷിച്ചു; അഫ്ഗാനിസ്ഥാന്‍ പ്രസിഡന്റ് രാജ്യം വിട്ടത് ഇങ്ങനെ

അഫ്ഗാനിസ്ഥാന്‍ പ്രസിഡന്റ് അഷ്‌റഫ് ഗനി രാജ്യം വിട്ടത് കൈ നിറയെ പണവുമായി. നാല് കാറുകളും ഒരു ഹെലികോപ്റ്റര്‍ നിറയെ പണവുമായാണ് ഗനി രാജ്യം വിട്ടതെന്നാണ് റഷ്യന്‍ വാര്‍ത്താ ഏജന്‍സിയെ ഉദ്ധരിച്ച് പ്രമുഖ മാധ്യമമായ റോയിട്ടേഴ്‌സാണ് റിപ്പോര്‍ട്ട് ചെയ്യുന്നത്. നാലു കാറുകള്‍ മുഴുവനും പണമായിരുന്നു. ഒരു ഹെലികോപ്റ്ററിലും പണം നിറയ്ക്കാന്‍ ശ്രമിച്ചു. പണമെല്ലാം നിറയ്ക്കാന്‍ സാധിച്ചില്ല. കുറച്ചു പണം അവിടെ ബാക്കിയായി- റഷ്യന്‍ എംബസിയിലെ വക്താവ് നികിത ഇഷ്‌ചെങ്കോ വ്യക്തമാക്കി. സംഭവത്തിന് സാക്ഷികളുണ്ടെന്നും നികിത ഇഷ്‌ചെങ്കോ അവകാശപ്പെട്ടു. അഫ്ഗാന്‍ ഭരണം താലിബാന്‍ ഏറ്റെടുത്തതിനു പിന്നാലെയാണ് അഷ്‌റഫ് ഗനി രാജ്യം വിട്ടത്.