ഒരാളുടെ അക്കൗണ്ടിലേക്ക് മൂന്നര ലക്ഷം കോടി വെറുതെ നിക്ഷേപിച്ച് ബാങ്ക്! അവസാനം സംഭവിച്ചത്

നിങ്ങളുടെ ഫോണിലേക്ക് വളരെ അപ്രതീക്ഷിതമായി ഒരു മെസേജ് വരുന്നു. നിങ്ങളുടെ ബാങ്ക് അക്കൗണ്ടിലേക്ക് മൂന്നര ലക്ഷം കോടി രൂപ നിക്ഷേപിച്ചിട്ടുണ്ടെന്നാണ് മെസേജ് ! നിങ്ങള്‍ തീര്‍ച്ചയായും ഞെട്ടില്ലേ? അങ്ങനെയൊരു അനുഭവമാണ് ഡാരന്‍ ജെയിംസിനും കുടുംബത്തിനും പറയാനുള്ളത്. 3.7 ലക്ഷം കോടി രൂപയാണ് ഡാരന്‍ ജെയിംസിന്റെ കുടുംബ അക്കൗണ്ടിലേക്ക് ഒരു ദിവസം ബാങ്ക് നിക്ഷേപിച്ചത്. കുടുംബം ഒന്നടങ്കം ഞെട്ടിപ്പോയി. തങ്ങള്‍ അറിയാതെ ആരാണ് ഇത്ര വലിയ തുക അക്കൗണ്ടിലേക്ക് ഇട്ടതെന്നായി അവരുടെ സംശയം. 

അക്കൗണ്ടിലേക്ക് വലിയൊരു സംഖ്യ വന്ന കാര്യം അറിഞ്ഞതും ഡാരന്‍ ജെയിംസ് ബാങ്കിലേക്ക് വിളിച്ചു. അമേരിക്കയിലെ ലൗസിയാനയിലാണ് സംഭവം നടന്നത്. തന്റെ അക്കൗണ്ടിലേക്ക് 3.7 ലക്ഷം കോടി രൂപ വന്നതായി ബാങ്ക് അധികൃതരെ ഡാരന്‍ ജെയിംസ് അറിയിക്കുകയായിരുന്നു. ഡാരന്റെ സത്യസന്ധത കണ്ട് ബാങ്കും ഞെട്ടി. ബാങ്കിന് സംഭവിച്ച കൈപിഴയാണ് ഇത്ര വലിയ സംഖ്യ ഡാരന്‍ ജെയിംസിന്റെ അക്കൗണ്ടിലേക്ക് പോകാന്‍ കാരണം. എന്താണ് യഥാര്‍ത്ഥത്തില്‍ സംഭവിച്ചതെന്ന് ബാങ്കും വെളിപ്പെടുത്തിയിട്ടില്ല. ഏതാനും ദിവസങ്ങള്‍ക്ക് ശേഷം ഈ തുക ഡാരന്റെ അക്കൗണ്ടില്‍ നിന്ന് ബാങ്ക് തിരിച്ചെടുത്തു. ആ പൈസ തനിക്ക് ഉപയോഗിക്കാമെന്ന് ബാങ്ക് പറയുകയാണെങ്കില്‍ പാവപ്പെട്ടവര്‍ക്കായി സഹായം ചെയ്യുമെന്നാണ് ഡാരന്‍ സംഭവശേഷം പറഞ്ഞത്.