ക്രിസ്ത്യാനികള്‍ ഇംഗ്ലണ്ടിലും വെയില്‍സിലും ന്യൂനപക്ഷമാകുന്നെന്ന് സെന്‍സസ് റിപ്പോര്‍ട്ട്; മതമില്ലാത്തവര്‍ 37.2 ശതമാനം

ക്രിസ്ത്യാനികള്‍ ഇംഗ്ലണ്ടിലും വെയില്‍സിലും ന്യൂനപക്ഷമാകുന്നെന്ന് സെന്‍സസ് റിപ്പോര്‍ട്ട്. മതമില്ലാത്തവരും മുസ്ലിങ്ങളും കൂടിയിട്ടുണ്ട്. 2021ലെ സെന്‍സസിന്റെ അടിസ്ഥാനത്തിലാണ് പുതിയ റിപ്പോര്‍ട്ടുകള്‍ പുറത്തുവരുന്നത്. ക്രിസ്ത്യന്‍ മത വിശ്വാസികളുടെ എണ്ണത്തില്‍ 55 ലക്ഷം പേരുടെ കുറവാണ് ഉണ്ടായിരിക്കുന്നത് ഇത് ഏകദേശം ക്രിസ്ത്യന്‍ ജനസംഖ്യയുടെ 17% വരും. കൂടാതെ ഇസ്ലാം മതം പിന്തുടരുന്നവരുടെ എണ്ണത്തില്‍ 12 ലക്ഷം വര്‍ദ്ധനവ് ഉണ്ടായി. ഇത് 43 ശതമാനം വര്‍ദ്ധനവാണ്.

അതേസമയം ഹിന്ദു മതക്കാരുടെ എണ്ണത്തിലും ചെറിയ വര്‍ദ്ധനവ് രേഖപ്പെടുത്തിയിട്ടുണ്ട്. 1.5 ശതമാനം ആയിരുന്നത് 1.7% ആയിട്ടുണ്ട്. എന്നാല്‍ ആദ്യമായാണ് ഇംഗ്ലണ്ടിലും വെയില്‍സിലും ക്രിസ്ത്യാനികളുടെ എണ്ണത്തില്‍ ഇത്രയധികം കുറവ് രേഖപ്പെടുത്തുന്നത്. അതേസമയം 2.2 കോടി ജനങ്ങളില്‍ 37.2ശതമാനം പേരും ഒരു മതത്തിലും വിശ്വസിക്കുന്നില്ല എന്നും റിപ്പോര്‍ട്ട് ഉണ്ട്.