അമേരിക്കന്‍ പ്രസിഡന്റ് തെരഞ്ഞെടുപ്പ്: ടിം കെയിന്‍ ഡെമോക്രാറ്റിക് പാര്‍ട്ടിയുടെ വൈസ് പ്രസിഡന്റ് സ്ഥാനാര്‍ഥി

അമേരിക്കന്‍ പ്രസിഡന്റ് തെരഞ്ഞെടുപ്പില്‍ ഡെമോക്രാറ്റിക് പാര്‍ട്ടിയുടെ വൈസ് പ്രസിഡന്റ് സ്ഥാനാര്‍ഥിയായി വിര്‍ജ്ജീനിയ സെനറ്റര്‍ ടിം കെയിനിനെ പ്രഖ്യാപിച്ചു

അമേരിക്കന്‍ പ്രസിഡന്റ് തെരഞ്ഞെടുപ്പില്‍ ഡെമോക്രാറ്റിക് പാര്‍ട്ടിയുടെ വൈസ് പ്രസിഡന്റ് സ്ഥാനാര്‍ഥിയായി വിര്‍ജ്ജീനിയ സെനറ്റര്‍ ടിം കെയിനിനെ പ്രഖ്യാപിച്ചു. ഹില്ലരി ക്ലിന്റനാണ് ഈ പ്രഖ്യാപനം നടത്തിയത്.

തിങ്കളാഴ്ച ഫിലാഡെല്‍ഫിയയില്‍ നടക്കുന്ന ഡമോക്രാറ്റിക് പാര്‍ട്ടിയുടെ കണ്‍വെന്‍ഷനു മുന്നോടിയായാണു വിര്‍ജീനിയ സെനറ്റര്‍ ടിം കെയ്‌നിന്റെ സ്ഥാനാര്‍ഥിത്വം ഹില്ലരി ക്ലിന്റണ്‍ പ്രഖ്യാപിച്ചത്. ആദ്യ പൊതു പരിപാടിയില്‍ തന്നെ റിപ്പബ്ലിക്കന്‍ സ്ഥാനാര്‍ഥി ഡൊണാള്‍ഡ് ട്രംപിനെ കടുത്ത ഭാഷയില്‍ കെയ്ന്‍ വിമര്‍ശിച്ചു.

അതേസമയം അഴിമതിക്കാരനായ കെയ്‌നും തട്ടിപ്പുകാരിയായ ഹില്ലരിയും ചേര്‍ന്നാല്‍ അമേരിക്കയ്ക്ക് പുരോഗതിയുണ്ടാകില്ലെന്ന് ട്രംപിന്റെ വക്താവ് ജേസണ്‍ മില്ലര്‍ ആരോപിച്ചു. തൊഴിലാളി സമൂഹത്തിന്റെ ശക്തമായ പിന്തുണയുള്ള 58 കാരനായ ടിം കെയ്ന്‍ ഹില്ലരിക്ക് വിജയം സമ്മാനിക്കുമെന്നാണു ഡമോക്രാറ്റുകളുടെ കരുതുന്നത്.

ഒരു സമ്പൂര്‍ണ വായനാനുഭവത്തിന് മലയാളം വെബ്‌ദുനിയ ആപ്പ് ഇവിടെ ഡൌണ്‍‌ലോഡ് ചെയ്യാം