ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ണ്‍ വമ്പന്‍ പ്രതിസന്ധിയില്‍; കാന്‍‌സര്‍ ബാധിച്ചുവെന്ന സ്‌ത്രീയുടെ പരാതിയില്‍ 2600 കോടി രൂപ പിഴ - വി​വി​ധ രാ​ജ്യ​ങ്ങ​ളി​ലാ​യി 3000 കേസുകള്‍

ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ണ്‍ പ്രതിസന്ധിയില്‍; കാന്‍‌സര്‍ ബാധിച്ചുവെന്ന സ്‌ത്രീയുടെ പരാതിയില്‍ 2600 കോടി രൂപ പിഴ

സ്ത്രീ​യു​ടെ പ​രാ​തി​യി​ല്‍ ആ​ഗോ​ള ബ്രാ​ൻ​ഡാ​യ ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ണ്‍ കമ്പനിക്ക് കാ​ലി​ഫോ​ർ​ണി​യ കോ​ട​തി ഭീ​മ​ൻ തു​ക പി​ഴ വി​ധി​ച്ചു. ദീര്‍ഘനാള്‍ ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ന്റെ ഉത്പന്നങ്ങള്‍ ഉപയോഗിച്ചതു മൂലം അ​ണ്ഡാ​ശ​യ കാ​ൻ​സ​ർ ബാ​ധി​ച്ചെ​ന്നാണ് സ്‌ത്രീയുടെ പരാതി.

കാ​ലി​ഫോ​ർ​ണി​യ സ്വ​ദേ​ശിയായ ഇ​വ ഇ​ക്കി​നേ​രി​യയുടെ പരാതിയില്‍ സത്യമുണ്ടെന്ന് മനസിലാക്കിയ കോടതി 417 മി​ല്യ​ണ്‍ ഡോ​ള​ർ (2600 കോ​ടി രൂ​പ) പി​ഴ ശി​ക്ഷ വിധിക്കുകയായിരുന്നു. അതേസമയം, കോടതിയുടെ വിധിക്കെതിരെ അപ്പീല്‍ പോകുമെന്ന് ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ണ്‍ വ്യക്തമാക്കി.

വി​വി​ധ രാ​ജ്യ​ങ്ങ​ളി​ലാ​യി 3000ൽ ​അ​ധി​കം കേസുകളാണ് ജോ​ണ്‍​സ​ണ്‍ ആ​ൻ​ഡ് ജോ​ണ്‍​സ​ണ്‍ നേരിടുന്നത്. പൌഡറിന്റെ ഉപയോഗം മൂലം കാന്‍സര്‍ അടക്കമുള്ള മാരകരോഗങ്ങള്‍ ബാധിച്ചുവെന്നാണ് പലരുടെയും പരാതി. കമ്പനിക്കെതിരെ ആരോപണങ്ങള്‍ ശക്തമായതോടെ ഉത്പന്നങ്ങളുടെ വില്‍പ്പന ഇടിഞ്ഞ അവസ്ഥയിലാണ്.