അപേക്ഷയ്ക്കൊപ്പം ഒരു നഗ്ന ചിത്രം കൂടി; ചൈനയിലെ വിദ്യാർത്ഥിനികൾക്ക് പിന്നെ ലോൺ ലഭിക്കുക അഞ്ചിരട്ടി വരെ, തിരിച്ചടവ് പാളിയാൽ നഗ്നചിത്രം നെറ്റിലോടും
ലോണിനേക്കാൾ അഞ്ചു മടങ്ങ് ഇരട്ടി വരെ പണം വിദ്യാർത്ഥിനികൾക്ക് ലഭിക്കും
പോൺചിത്രങ്ങളുടെ മേൽ വിദ്യാർത്ഥിനികൾക്ക് അഞ്ചിരട്ടി വരെ ലോൺ ലഭ്യമാക്കുന്ന ചൈനയുടെ നിലപാടിനെതിരെ പ്രതിഷേധം ശക്തമാകുന്നു. രാജ്യത്തെ കോളജിൽ പഠിക്കുന്ന പെൺകുട്ടിക്ക് അവരുടെ അശ്ലീലചിത്രം നൽകിയാൽ പകരം പണം നല്കുന്ന ഏർപ്പാടാണ് പ്രതിഷേധത്തിനു കാരണമാകുന്നത്.
വ്യാജ ഇന്റര്‍‌നെറ്റ് പണദാതാക്കളാണു വിദ്യാഭ്യാസ ലോണിനു പകരമായി പെൺ കുട്ടികളുടെ പക്കൽ നിന്ന് നഗ്നചിത്രം ആവശ്യപ്പെടുന്നത്. ഇതിൽ ഏറ്റവും ഞെട്ടിക്കുന്ന കാര്യം എന്താണെന്നു വെച്ചാൽ നഗ്നചിത്രം എടുക്കുമ്പോൾ പെൺകുട്ടികൾ അവരുടെ തിരിച്ചരിയിൽ കാര്‍ഡും ഒപ്പം പ്രദർശിപ്പിക്കണം.
ഇങ്ങനെ ചെയ്യുകയാണെങ്കിൽ സാധാരണയായി ലഭിക്കുന്ന ലോണിനേക്കാൾ അഞ്ചു മടങ്ങ് ഇരട്ടി വരെ പണം വിദ്യാർത്ഥിനികൾക്ക് ലഭിക്കും. എന്നാൽ, വിദ്യാർത്തിനികൾ പണം അടയ്ക്കാൻ വൈകുകയാണെങ്കിൽ അവരുടെ നഗ്നചിത്രം ഓൺ ലൈനിൽ കൂടി പ്രചരിപ്പിക്കും.
