എട്ടിന്റെ പണിയെന്നു പറഞ്ഞാല്‍ ഇതാണ്; സെലീന ഗോമസിന്റെ ഇന്‍സ്‌റ്റഗ്രാമില്‍ ജസ്‌റ്റിന്‍ ബീബറുടെ നഗ്നചിത്രം

ഹാക്കര്‍മാരുടെ നുഴഞ്ഞുകയറ്റം മൂലം സോഷ്യല്‍ മീഡിയയില്‍ നിന്നും പണികിട്ടിയ സെലിബ്രറ്റികള്‍ക്ക് യാതൊരു കുറവുമില്ല. ഏറ്റവും ഒടുവിലായി തിരിച്ചടി ലഭിച്ചത് ഇന്‍‌സ്‌റ്റഗ്രാമില്‍ 12.5 കോടി ആരാധകരുള്ള അമേരിക്കന്‍ ഗായികയും നടിയുമായ സെലീന ഗോമസിനാണ്.

സെലീനയുടെ ഇന്‍സ്‌റ്റഗ്രാമില്‍ നുഴഞ്ഞു കയറിയ ഹാക്കര്‍മാര്‍ സെലീനയുടെ മുന്‍ കാമുകനും പോപ്പ് ഗായകനുമായ ജസ്‌റ്റിന്‍ ബീബറുടെ നഗ്നചിത്രം പോസ്‌റ്റ് ചെയ്‌തു.

അക്കൌണ്ട് ഹാക്ക് ചെയ്‌തുവെന്ന് മനസിലാക്കിയ സെലീന മിനിറ്റുകള്‍ക്കുള്ളില്‍ തന്നെ ഇന്‍‌സ്‌റ്റഗ്രാം തിരിച്ചു പിടിക്കുകയും ബീബറുടെ നഗ്‌ന ചിത്രം നീക്കം ചെയ്യുകയും ചെയ്‌തു.

തിങ്കളാഴ്‌ചയാണ് സംഭവം. 2015ല്‍ എടുത്ത ബീബറുടെ ചിത്രങ്ങളാണ് സെലീനയുടെ ഇന്‍‌സ്‌റ്റഗ്രാമില്‍ വന്നതെന്നാണ് റിപ്പോര്‍ട്ട്.

ആരാധകരുടെ പ്രീയതാരമായ സെലീന ഇന്‍സ്‌റ്റഗ്രാമിലെ മിന്നുംതാരമാണ്. ലോകത്തില്‍ ഏറ്റവും കൂടുതല്‍ ആളുകള്‍ ഇന്‍സ്റ്റാഗ്രാമില്‍ പിന്തുടരുന്ന സെലിബ്രിറ്റിയാണ് സെലീന.