ഐപിഎല്ലിന്റെ പത്താം സീസണില്‍ വീണ്ടും ആരാധകരുടെ കൈയടി നേടി മലയാളത്തിന്റെ സ്വന്തം സഞ്ജു സാംസണ്‍. ഇത്തവണ ബാറ്റുകൊണ്ടായിരുന്നില്ല, ഒരു സൂപ്പര്‍ ഫീല്‍ഡിങ്ങുകൊണ്ടായിരുന്നുയെന്നുമാത്രം. മുംബൈ ഇന്ത്യന്‍സിനെതിരായ മത്സരത്തിലാണ് ഏവരേയും അമ്പരിപ്പിക്കുന്ന ആ പ്രകടനം സഞ്ജു കാഴ്ചവെച്ചത്
പന്ത് കവറിലേക്ക് തട്ടിയിട്ട് നിതീഷ് റാണ ഓടുകയായിരുന്നു. എന്നാല്‍ ആ പന്തിലേക്ക് ശരവേഗത്തില്‍ പറന്നുവീണ സഞ്ജു കൈകൊണ്ടെടുത്ത് അത് വിക്കറ്റിലേക്കെറിഞ്ഞു. ഈ സമയം ബട്‌ലര്‍ ക്രീസിനടുത്തെങ്ങുമെത്തിയിട്ടുമുണ്ടായിരുന്നില്ല. ബട്‌ലര്‍ വീണതോടെ മുംബൈയുടെ തകര്‍ച്ചയും ആരംഭിച്ചു.