ഐ പി എല്ലിലെ നിലവിലെ ചാമ്പ്യന്‍‌മാരായ രാജസ്ഥാന്‍ റോയല്‍‌സിന് പരാജയത്തോടെ കിരീട പോരാട്ടത്തിന് തുടക്കം. ദക്ഷിണാഫ്രിക്കയില്‍ നടന്ന പരിശീലന മത്സരത്തില്‍ കേപ് കോബ്രാസാണ് റോയല്‍‌സിനെ 27 റണ്‍സിന് തോല്‍പ്പിച്ചത്.
ടോസ് നേടി ആദ്യം ബാറ്റ് ചെയ്ത കോബ്രാസ് 20 ഓവറില്‍ എട്ട് വിക്കറ്റ് നഷ്ടത്തില്‍ 142 റണ്‍സെ എടുത്തുള്ളൂവെങ്കിലും റോയല്‍‌സിന്‍റെ മറുപടി 19 ഓവറില്‍ 115 റണ്‍സില്‍ ഒതുങ്ങി.
ബ്രാന്‍ഡ്(24), ലെവി(36), ഫിന്‍‌ലാന്‍ഡര്‍(26), വെന്‍‌ഡെല്‍റ്റ്(23) എന്നിവരുടെ മികവോടെയാണ് കോബ്രാസ് 142 റണ്‍സിലെത്തിയത്.മറുപടി ബാറ്റിംഗിനിറങ്ങിയ റോയല്‍‌സിനു വേണ്ടി ഓപ്പണര്‍ ക്വനി(34), നായകന്‍ ഷെയിന്‍ വൊണ്‍(21) എന്നിവര്‍ മാത്രമേ ഭേദപ്പെട്ട പ്രകടനം പുറത്തെടുത്തുള്ളു