ഡ്രസിങ് റൂമില്‍ ഗൗരവത്തോടെ സംസാരിക്കുന്ന കോലി, ഓടിവന്ന് കോലിയുടെ ആഹ്ലാദപ്രകടനം ഇമിറ്റേറ്റ് ചെയ്ത് ഡിവില്ലിയേഴ്‌സ്; കൂട്ടച്ചിരി, ഒടുവില്‍ പ്രിയസുഹൃത്തിനെ കെട്ടിപ്പിടിച്ച് ഡിവില്ലിയേഴ്‌സ്

മുംബൈ ഇന്ത്യന്‍സിനെതിരായ മത്സരത്തില്‍ വിജയിച്ച ശേഷമുള്ള റോയല്‍ ചലഞ്ചേഴ്‌സ് ബാംഗ്ലൂര്‍ താരങ്ങളുടെ ഡ്രസിങ് റൂം വീഡിയോ വൈറലാകുന്നു. നായകന്‍ വിരാട് കോലി ടീമിന്റെ പ്രകടനത്തെ കുറിച്ച് സംസാരിക്കുന്നതടക്കമുള്ള കാര്യങ്ങളാണ് വീഡിയോയിലുള്ളത്. ഗ്രൗണ്ടിലെ വിരാട് കോലിയുടെ ആഹ്ലാദപ്രകടനത്തെ എ.ബി.ഡിവില്ലിയേഴ്‌സ് ഇമിറ്റേറ്റ് ചെയ്യുന്നതും ഈ വീഡിയോയില്‍ കാണാം.