ഡല്‍ഹി ക്യാപിറ്റല്‍സ് ഇന്ന് മഴവില്ല് ജേഴ്‌സിയില്‍ കളിക്കാന്‍ കാരണമെന്ത്?
ശനി, 2 ഒക്‌ടോബര്‍ 2021 (15:01 IST)
റിഷഭ് പന്ത് നയിക്കുന്ന ഡല്‍ഹി ക്യാപിറ്റല്‍സ് ഇന്ന് മഴവില്ല് ജേഴ്‌സിയിലാണ് കളിക്കാനിറങ്ങുക. മുംബൈ ഇന്ത്യന്‍സാണ് ഡല്‍ഹിയുടെ എതിരാളികള്‍. റെഗുലര്‍ ജേഴ്‌സിയില്‍ നിന്ന് വ്യത്യസ്തമാണ് ഡല്‍ഹിയുടെ മഴവില്ല് ജേഴ്‌സി. ഇന്ത്യയുടെ വൈവിധ്യങ്ങളെ ആഘോഷിക്കുന്നതിന്റെ ഭാഗമായാണ് ഡല്‍ഹി ഫ്രാഞ്ചൈസി മഴവില്ല് ജേഴ്‌സി തയ്യാറാക്കിയിരിക്കുന്നത്. ഡല്‍ഹിയുടെ സാധാരണ ജേഴ്‌സിയില്‍ നിന്ന് വ്യത്യസ്തമായി ഇളം നിറമാണ് ഇതിന്. 'ഈ മനോഹരമായ രാജ്യത്തെ വൈവിധ്യങ്ങളെ ആഘോഷിക്കുന്നു' എന്നാണ് ഡല്‍ഹി ക്യാപിറ്റല്‍സ് പുതിയ ജേഴ്‌സി പങ്കുവച്ച് സോഷ്യല്‍ മീഡിയയില്‍ കുറിച്ചത്. കഴിഞ്ഞ സീസണില്‍ റോയല്‍ ചലഞ്ചേഴ്‌സ് ബാംഗ്ലൂരിനെതിരെയാണ് ഡല്‍ഹി മഴവില്ല് ജേഴ്‌സി അണിഞ്ഞത്. ഈ മത്സരത്തില്‍ ഡല്‍ഹി വിജയിക്കുകയും ചെയ്തു.