പിള്ളേർക്കെതിരെ കളിക്കുന്നതല്ല കളിയെന്ന് മഫാക്ക മനസിലാക്കി കാണും, യുവതാരത്തെ നിറുത്തിപൊരിച്ച് ഡെയ്ൽ സ്റ്റെയ്ൻ

Kwena Maphaka

ഇക്കഴിഞ്ഞ അണ്ടര്‍ 19 ലോകകപ്പില്‍ ബൗളിംഗ് പ്രകടനം കൊണ്ട് ഞെട്ടിച്ച താരമാണ് ദക്ഷിണാഫ്രിക്കയുടെ യുവ ഫാസ്റ്റ് ബൗളറായ ക്വെന മഫാക്ക. ജസ്പ്രീത് ബുമ്രയേക്കാള്‍ മികച്ച താരമാകുമെന്ന പ്രതീക്ഷിക്കുന്നതായി മഫാക്ക പറഞ്ഞ വാചകങ്ങള്‍ക്ക് പിന്നാലെ അണ്ടര്‍ 19ല്‍ വമ്പന്‍ പ്രകടനം നടത്താന്‍ താരത്തിനായിരുന്നു. വിദേശപേസര്‍മാര്‍ക്ക് പരിക്കേറ്റ സാഹചര്യത്തില്‍ അപ്രതീക്ഷിതമായാണ് മഫാക്കയ്ക്ക് ഐപിഎല്ലില്‍ മുംബൈ ടീമില്‍ കളിക്കാനായി വിളിയെത്തുന്നത്. എന്നാല്‍ ഐപിഎല്ലിലെ ആദ്യ മത്സരത്തില്‍ തന്നെ അന്താരാഷ്ട്ര ക്രിക്കറ്റില്‍ കളിക്കുന്ന വമ്പന്മാരുടെ ബാറ്റിന്റെ ചൂടറിയാനായിരുന്നു മഫാക്കയുടെ വിധി.