Sanju Samson: വിവാദങ്ങൾക്കിടെ ഐപിഎല്ലിൽ ധോനിയെ മറികടന്ന് സഞ്ജു, മലയാളികൾക്ക് അഭിമാന നിമിഷം

Sanju Samson,IPL

ഡല്‍ഹി ക്യാപ്പിറ്റല്‍സിനെതിരായ തകര്‍പ്പന്‍ പ്രകടനത്തോടെ ഐപിഎല്ലില്‍ മഹേന്ദ്ര സിംഗ് ധോനിയുടെ റെക്കോര്‍ഡ് മറികടന്ന് രാജസ്ഥാന്‍ റോയല്‍സ് നായകന്‍ സഞ്ജു സാംസണ്‍. ഡല്‍ഹിക്കെതിരായ മത്സരത്തില്‍ 46 പന്തില്‍ 86 റണ്‍സുമായി സഞ്ജു തിളങ്ങിയിരുന്നു. 6 സിക്‌സുകളാണ് സഞ്ജു അടിച്ചുകൂട്ടിയത്. ഇതോടെ ഐപിഎല്ലില്‍ ഏറ്റവും വേഗത്തില്‍ 200 സിക്‌സുകള്‍ പൂര്‍ത്തിയാക്കിയ ഇന്ത്യന്‍ താരമെന്ന നേട്ടം സഞ്ജു സ്വന്തമാക്കി. 159 ഇന്നിങ്ങ്‌സുകളില്‍ നിന്നാണ് സഞ്ജുവിന്റെ നേട്ടം. 165 ഇന്നിങ്ങ്‌സുകളില്‍ നിന്നായിരുന്നു ധോനി ഈ നേട്ടത്തിലെത്തിയത്.

വിരാട് കോലി,രോഹിത് ശര്‍മ,സുരേഷ് റെയ്‌ന തുടങ്ങിയ താരങ്ങളാണ് പട്ടികയില്‍ സഞ്ജുവിനും ധോനിക്കും പിന്നിലുള്ളത്. ഐപിഎല്ലില്‍ 200 സിക്‌സുകള്‍ പൂര്‍ത്തിയാക്കുന്ന പത്താമത് താരമാണ് സഞ്ജു. ക്രിസ് ഗെയ്ല്‍, എ ബി ഡിവില്ലിയേഴ്‌സ്,ഡേവിഡ് വാര്‍ണര്‍,ആന്ദ്രേ റസ്സല്‍ എന്നിവരാണ് ഈ നേട്ടം സ്വന്തമാക്കിയിട്ടുള്ള മറ്റ് താരങ്ങള്‍. ഇന്നലെ ഡല്‍ഹിക്കെതിരെ നടത്തിയ തകര്‍പ്പന്‍ പ്രകടനത്തോടെ ഐപിഎല്‍ 2024ലെ റണ്‍വേട്ടക്കാരുടെ പടികയില്‍ മൂന്നാം സ്ഥാനത്താണ് സഞ്ജു. വിരാട് കോലി,റുതുരാജ് ഗെയ്ക്ക്വാദ് എന്നിവരാണ് ആദ്യ രണ്ട് സ്ഥാനങ്ങളിലുള്ളത്.