നിങ്ങൾ ഗൂഗിൾ ക്രോം ഉപയോഗിക്കുന്നവരാണോ? എന്നാൽ ഇക്കാര്യം അറിയുക.. വലിയ മുന്നറിയിപ്പ്

ഗൂഗിൾ ക്രോമിൽ അനാവശ്യ എക്സ്റ്റൻഷനുകൾ ഇൻസ്റ്റാൾ ചെയ്തിട്ടുണ്ടെങ്കിൽ അത് സൈബർ ആക്രമണ സാധ്യതകളെ ഉയർത്തിയേക്കാമെന്ന് റിപ്പോർട്ട്. അടുത്തിടെ സുരക്ഷാഗവേഷകർ ക്ലൗഡ് 9 എന്ന ബോട്ട്നെറ്റിനെ കണ്ടെത്തിയിരുന്നു. സുരക്ഷിതമല്ലാത്ത സൈറ്റിൽ നിന്ന് ഡൗൺലോഡ് ചെയ്ത ലളിതമായ എക്സ്റ്റൻഷനിലൂടെ ക്ലൗഡ് 9 കമ്പ്യൂട്ടറുകളെ ബാധിക്കാം.

ക്ലൗഡ് 9 ബോട്ട്നെറ്റ് കമ്പ്യൂട്ടറുകളെ ബാധിച്ചാല്‍ പാസ്‌വേഡുകൾ മോഷ്ടിക്കുന്നതിനും പരസ്യങ്ങൾ സമ്മതമല്ലാതെ പ്രദര്‍ശിപ്പിക്കുന്നതുമടക്കമുള്ള പ്രവർത്തികൾ ചെയ്യുമെന്നാണ് റിപ്പോർട്ട്. അജ്ഞാതമായ മറ്റൊരു സിസ്റ്റത്തിൽ നിന്ന് നിങ്ങളുടെ സിസ്റ്റത്തിൻ്റെ നിയന്ത്രണമേറ്റെടുക്കാനും ക്ലൗഡ് 9 ബോട്ട്നെറ്റ് ബാധിച്ച ബ്രൗസറുകളെ ഉപയോഗിക്കാം. നിങ്ങളുടെ ബ്രൗസറിൽ വരുന്ന അഡോബ് ഫ്ലാഷ് പ്ലെയർ അപ്ഡേറ്റുകൾ വ്യാജമാണ്.  വ്യാജ അപ്‌ഡേറ്റുകൾക്ക് ഇരയാകാതിരിക്കാന്‍ ഫ്ലാഷ് പ്ലെയര്‍ അൺഇൻസ്റ്റാൾ ചെയ്യാൻ പോലും അഡോബ് ഉപയോക്താക്കളോട് ആവശ്യപ്പെട്ടിട്ടുണ്ട്. ഇത് അറിയാതെ ഡൗൺലോഡ് ചെയ്യാൻ ശ്രമിക്കുന്നവർ ക്ലൗഡ് 9 കെണിയിൽ വീഴുന്നത് സ്ഥിരമാണ്.

ആക്രമണം ഒഴിവാക്കാൻ  കമ്പ്യൂട്ടർ ഉപയോക്താക്കൾ അവരുടെ ബ്രൗസറിന്റെ ഏറ്റവും അപ്‌ഡേറ്റ് ചെയ്‌ത പതിപ്പ് ഉപയോഗിക്കാൻ ശ്രമിക്കണം. ഔദ്യോഗിക വെബ്സൈറ്റുകളിൽ നിണ്ണ് മാത്രം ബ്രൗസറുകൾ ഡൗൺലോഡ് ചെയ്യുക.