ഇനി ചാറ്റുകൾ ലോക്ക് ചെയ്യാം, പുതിയ ഫീച്ചറുമായി വാട്ട്സാപ്പ്

ഇന്ത്യയില്‍ ഏറ്റവുമധികം ആളുകള്‍ ഉപയോഗിക്കുന്ന ആപ്പ്‌ളിക്കേഷനാണ് വാട്ട്‌സാപ്പ്. ഉപഭോക്താക്കളെ പിടിച്ചുനിര്‍ത്തുന്നതിനായി ആപ്പ് നിരന്തരം പുതിയ ഫീച്ചറുകള്‍ അവതരിപ്പിക്കുക പതിവാണ്. ഇപ്പോഴിതാ ചാറ്റുകള്‍ ലോക്ക് ചെയ്യാനുള്ള ഫീച്ചര്‍ അവതരിപ്പിച്ചിരിക്കുകയാണ് കമ്പനി.

പരീക്ഷണാടിസ്ഥാനത്തിലാണ് ഈ ഫീച്ചര്‍ അവതരിപ്പിച്ചിരിക്കുന്നത്. ഉടനെ തന്നെ എല്ലാ ഉപഭോക്താക്കള്‍ക്കും ഈ ഫീച്ചര്‍ ലഭ്യമാകുമെന്നാണ് റിപ്പോര്‍ട്ടുകള്‍. എളുപ്പത്തില്‍ ചാറ്റുകള്‍ ലോക്ക് ചെയ്യാന്‍ കഴിയുന്നതാണ് പുതിയ സംവിധാനം. ചാറ്റ് ഇന്‍ഫോ സ്‌ക്രീനില്‍ നിന്ന് തന്നെ ചാറ്റുകള്‍ ഇതോടെ ലോക്ക് ചെയ്യാനാകും. നേരത്തെ ചാറ്റ് ഇന്‍ഫോ സെക്ഷന്‍ ഓപ്പണ്‍ ചെയ്‌തെങ്കില്‍ മാത്രമെ ചാറ്റുകള്‍ ലോക്ക് ചെയ്യാന്‍ സാധിക്കുമായിരുന്നുള്ളു.