അതിന്റെ പേരില്‍ ദിലീപിന് ഒരു ചുക്കും സംഭവിക്കില്ല ; അതൊക്കെ നിയമപ്രകാരമാണ് !

അതിന്റെ പേരില്‍ ദിലീപിന് ഒരു ചുക്കും സംഭവിക്കില്ല !

കൊച്ചിയില്‍ യുവനടി ആക്രമിക്കപ്പെട്ട സംഭവത്തില്‍ അറസ്റ്റിലായ നടന്‍ ദിലീപ് ഇപ്പോള്‍ ജ്യാമ്യത്തിലാണ്. ദിലീപ് ജയിലില്‍ കിടന്നപ്പോള്‍ കാര്യമായ സന്ദര്‍ശകര്‍ ആരും എത്തിയിരുന്നില്ലെങ്കിലും

അവസാന ദിവസം സന്ദര്‍ശകരുടെ ബഹളമായിരുന്നു. 

ഈ സന്ദര്‍ശനങ്ങള്‍ എല്ലാം ചട്ടങ്ങള്‍ ലംഘിച്ചായിരുന്നു എന്ന ആരോപണവും ജയിലില്‍ ദിലീപിന് വിഐപി പരിഗണന കിട്ടിയെന്ന ആരോപണവും ഉണ്ടായിരുന്നു. എന്നാല്‍ ജയില്‍ അധികൃതര്‍ ഇത് നിഷേധിച്ചിരുന്നു. ജയിലില്‍ ദിലീപിനെ കാണാന്‍ എത്തിയ പ്രമുഖരുടെ കാര്യത്തില്‍ ആരോപണങ്ങള്‍ ശക്തമായിരുന്നു.

 ജയില്‍ സന്ദര്‍ശനത്തിന് തിരിച്ചറിയല്‍ രേഖ നിര്‍ബന്ധമാണ്. എന്നാല്‍ ദിലീപിനെ കാണാന്‍ എത്തിയ പലരും ഈ രേഖയൊന്നും ഇല്ലാതെ ആണത്രെ വന്നത്. സാധാരണ അവധി ദിനങ്ങളില്‍ ജയില്‍ പുള്ളികളെ സന്ദര്‍ശിക്കാന്‍ അനുമതിയില്ലാത്തതാണ്. എന്നാല്‍ ദിലീപിന്റെ കാര്യത്തില്‍ അതും ബാധകമായില്ല എന്നതാണ് സത്യം. എന്നാല്‍ ഇക്കാര്യങ്ങളില്‍ പലതും ജയില്‍ സൂപ്രണ്ടിന്റെ വിവേചനാധികാരത്തില്‍ വരുന്നതാണ്. അത് ഉപയോഗിച്ച് തന്നെയാണ് ദിലീപിന് കാണാന്‍ സന്ദര്‍ശകരെ അനുവദിച്ചത് എന്നാണ് ജയില്‍ അധികൃതര്‍ വ്യക്തമാക്കുന്നത്.