'അവരാണ് എന്റെ ബലം, അവരില്ലെങ്കിൽ ഞാനില്ല' - ആരാധകരെ കൈവീശി കാണിച്ച് ദിലീപ് പറഞ്ഞത്

'എല്ലാം എന്റെ സമയദോഷം, ഒരു തെറ്റും ചെയ്തിട്ടില്ല, എല്ലാം ശരിയാകും' - ദിലീപിനു അവരോട് പറയാനുള്ളത് ഇതുമാത്രം

'ഞാൻ ഒരു തെറ്റും ചെയ്തിട്ടില്ല, എല്ലാം എന്റെ സമയദോഷമാണ്. എല്ലാം ശരിയാകും'. ജാമ്യം കിട്ടിയശേഷം പറവൂർ കവലയിലെ സഹോദരന്റെ വീട്ടിലെത്തിയ ദിലീപ് വീട്ടുകാരോട് പഞ്ഞതാണിങ്ങനെ. ദിലീപിനെ കാണാനെത്തിയ സുഹൃത്തുക്കളോടും തന്റെ സമയദോഷത്തെ കുറിച്ച് തന്നെയാണ് ദിലീപ് പറഞ്ഞത്.

താൻ തെറ്റുകാരനല്ലന്നും അതിനാൽ കോടതി നടപടികളെ ഭയപ്പെടുന്നില്ലന്നും സുഹൃത്തുക്കളും കുടുബാംഗങ്ങളുമുൾപ്പെടെ വീട്ടിലുണ്ടായിരുന്നവരുടെ മുമ്പിൽ ദിലിപ് വ്യക്തമാക്കി. ’അവാരാണ് എന്റെ ബലം.അവരില്ലങ്കിൽ ഞാനില്ലെന്ന്’ ദിലീപ് പറഞ്ഞു. തന്നെ കാണാനെത്തിയ ആരാധകരെ കൈവീശി കാണിച്ചാണ് ദിലീപ് ഇത് പറഞ്ഞതെന്ന് സുഹൃത്തുക്കൾ പറയുന്നു.

നടന്മാരായ സിദ്ദിഖ്, ഹരിശ്രീ അശോകൻ, കലാഭവൻ ഷാജോൺ, നാദിർഷ, ധർമ്മജൻ, നിർമ്മാതാവ് ടോമിച്ചൻ മുളകുപാടം, നഗരസഭാ കൗൺസിലർ ജെറോം മൈക്കിൾ എന്നിവർ ദിലീപിനെ കാണാനായി വീട്ടിലെത്തിയിരുന്നു.  

അതേസമയം, ദിലീപിനെതിരായ ശക്തമായ കുറ്റപത്രം വൈകാതെ സമർപ്പിക്കാൻ പൊലീസ് ശ്രമം തുടരുന്നുണ്ട്. ഒന്നു രണ്ട് ആഴ്ചയ്ക്കുള്ളിൽ കുറ്റപത്രം സമർപ്പിക്കാൻ കഴിയുമെന്നാണ് പൊലീസിന്റെ വിശ്വാസം. നാല് സാക്ഷിമൊഴികളും മൊബൈൽ ഫോണുകളുടെയും സിസിടിവി ദൃശ്യങ്ങളുടെയും ശാസ്ത്രീയ പരിശോധന ഫലങ്ങൾ ഉൾപ്പെടുത്തി സമഗ്രമായ കുറ്റപത്രം സമർപ്പിക്കാനാണ് പൊലീസ് ആലോചിക്കുന്നത്.