ആദ്യം മഞ്ജുവും റിമയും, പിന്നെ പൃഥ്വി? - മുട്ടന്‍ പണിക്കൊരുങ്ങി സൂപ്പര്‍താരങ്ങള്‍?

മഞ്ജുവിനും റിമയ്ക്കും പൃഥ്വിയ്ക്കും മുട്ടന്‍പണി വരുന്നു - ആ സൂപ്പര്‍താരം വെട്ടിനിരത്തല്‍ തുടങ്ങി?!

കൊച്ചിയില്‍ നടി ആക്രമിക്കപ്പെട്ട സംഭവത്തില്‍ ഇത് ക്വട്ടേഷനാണെന്ന് ആദ്യം തുറന്നടിച്ച് പറഞ്ഞത് മഞ്ജു വാര്യര്‍ ആണ്. മഞ്ജുവിനു പിന്നാലെ നടിക്ക് പൂര്‍ണ പിന്തുണയുമായി റിമ കല്ലിങ്കലും എത്തി. മലയാള സിനിമയിലെ നടന്മാരില്‍ ‘അവളോടൊപ്പം’ എന്ന് ആദ്യം മുതല്‍ക്കേ പറയാന്‍ ചങ്കൂറ്റം കാണിച്ചത് പൃഥ്വിരാജ് മാത്രമാണ്. പൃഥ്വിയ്ക്ക് മുന്നില്‍ ‘അവനില്ല’, അവള്‍ മാത്രമാണ്. 

നടിക്ക് പൂര്‍ണപിന്തുണ നല്‍കുകയും ദിലീപ് അറസ്റ്റിലായതോടെ താരത്തെ താരസംഘടനയായ അമ്മയില്‍ നിന്നും പുറത്താക്കുകയും ചെയ്തതോടെ മലയാള സിനിമയിലെ ചില പ്രമുഖര്‍ക്കിടയില്‍ മൂവരും ഒറ്റപ്പെട്ടു. മഞ്ജുവിനും അക്രമിക്കപ്പെട്ട നടിക്കും റിമക്കും ഇനി മലയാളത്തില്‍ നല്ല സിനിമകള്‍ ചെയ്യാന്‍ കഴിയില്ലെന്ന സൂചനകളാണ് ഉയര്‍ന്നു വരുന്നത്. 

വിനയന്റെ ഗതി പൃഥ്വിരാജിനും വരുമെന്നാണ് അമ്മയില്‍ ഉയര്‍ന്നു വരുന്ന സംശയങ്ങള്‍. പൃഥ്വിയെ പിന്തുണയ്ക്കുന്ന ചില മധ്യ നിര സംവിധായകരും ഇനി മലയാള സിനിമയില്‍ ഒറ്റപ്പെട്ടേക്കാമെന്നാണ് റിപ്പോര്‍ട്ട്. ഈ താരങ്ങള്‍ക്ക് പണികൊടുക്കാന്‍ മലയാളത്തിലെ ഒരു താരരാജാവ് അടക്കമുള്ളവര്‍ രംഗത്തിറങ്ങി കഴിഞ്ഞുവെന്നാണ് അറിയുന്നത്.

അമ്മയില്‍ ദിലീപിനെ അനുകൂലിക്കുന്ന താരങ്ങളാണ് ഈ നീക്കത്തിന് പിന്നില്‍ കേസില്‍ ദിലീപിനെതിരെ കാര്യമായ തെളിവുകള്‍ അന്വേഷണ സംഘത്തിന് ലഭിച്ചിട്ടില്ലെന്നും ഇവര്‍ വിശ്വസിക്കുന്നു. ദിലീപ് പുറത്തിറങ്ങിയാല്‍ അദ്ദേഹത്തിനൊപ്പം നില്‍ക്കാനാണ് ഭൂരിപക്ഷം താരങ്ങളും ആഗ്രഹിക്കുന്നതെന്ന് മംഗളം റിപോർട്ട് ചെയ്യുന്നുണ്ട്.