ട്രെയിനിലെ ബാത്ത് റൂമിനുള്ളിൽ ലൈംഗിക ബന്ധത്തിൽ ഏർപ്പെട്ട കമിതാക്കൾ പിടിയില്‍. ഹൈദരാബാദിലെ നഴ്‌സിംഗ് വിദ്യാർഥികളെയാണ് ഹൈദരാബാദിൽ നിന്നും തിരുവനന്തപുരത്തേയ്ക്കു വരികയായിരുന്ന ശബരി എക്‌സ്പ്രസിൽ നിന്നും റെയിൽവേ സംരക്ഷണ സേനയുടെ ഉദ്യോഗസ്ഥർ പിടികൂടിയത്. രണ്ടു പേരെയും കസ്റ്റഡിയിൽ എടുത്ത് താക്കീത് ചെയ്ത ശേഷം വിട്ടയച്ചു.
തൃശൂരിൽ നിന്നു ട്രെയിൻ വിട്ടതു മുതൽ ബാത്ത്‌റൂമിൽ നിന്നും അസ്വാഭാവികമായുള്ള ചില ശബ്ദങ്ങൾ കേട്ടിരുന്നതായി യാത്രക്കാർ ട്രെയിനുള്ളിലെ ഉദ്യോഗസ്ഥരോടു പരാതിപ്പെട്ടു. തുടര്‍ന്ന് അവർ നടത്തിയ പരിശോധനയിൽ കാര്യമായി ഒന്നുംതന്നെ കണ്ടെത്താൻ സാധിച്ചില്ല. പിന്നീട്, ബാത്ത്‌റൂം തുറക്കാൻ ശ്രമിച്ച വേളയിലാണ് ഉള്ളിൽ നിന്നും കുറ്റിയിട്ടിരിക്കുന്നതായി കണ്ടെത്തിയത്.
തുടർന്നു പൊലീസ് സംഘമെത്തി ബാത്ത് റൂം ബലം പ്രയോഗിച്ചു തുറക്കുകയായിരുന്നു. അപ്പോഴാണ് അർധനഗ്നരായ നിലയിൽ രണ്ടു വിദ്യാർഥികളെ കണ്ടെത്തിയത്. പത്തനംതിട്ട സ്വദേശികളും ഹൈദരാബാദിൽ നഴ്‌സിങ് വിദ്യാർഥികളുമാണ് ഇരുവരുമെന്നാണ് ഇവർ പൊലീസിനോടു പറഞ്ഞത്. കുട്ടികളുടെ മാതാപിതാക്കളെ വിവരം അറിയിച്ച ശേഷം ഇവരെ പൊലീസ് വിട്ടയക്കുകയായിരുന്നു.