ദളിതരെ പൂജാരിയാക്കിയ സർക്കാരിന്റെ തീരുമാനം ശരിയാണ്, സുരേഷ് ഗോപി പറഞ്ഞത് വിവരക്കേട്: കെ പി ശശികല

സുരേഷ് ഗോപി പറഞ്ഞത് വിവരക്കേട്: കെ പി ശശികല

അടുത്ത ജന്മത്തിൽ ബ്രാഹ്മണനായി ജനിച്ച് ശബരിമലയിൽ പൂജാകർമങ്ങൾ ചെയ്യണമെന്ന എം പിയും നടനുമായ സുരേഷ് ഗോപിയുടെ പ്രസ്താവനയെ എതിർത്തുകൊണ്ട് ഹിന്ദു ഐക്യവേദി സംസ്ഥാന അധ്യക്ഷ കെ പി ശശികല രംഗത്ത്. ആധ്യാത്മിക കാര്യങ്ങളിൽ സുരേഷ് ഗോപിയുള്ള വിവരക്കേടു കൊണ്ടാണ് അദ്ദേഹം അങ്ങനെ പറഞ്ഞതെന്നും ശശികല ഒരു ഓൺലൈൻ ന്യൂസ് ചാനലിനോട് വ്യക്തമാക്കി.

കേരളത്തിൽ ദളിതർക്കും പൂജ ചെയ്യാമെന്ന് തെളിയിച്ച പിണറായി സർക്കാരിന്റെ തീരുമാനം ശരിയാണെന്നും നടപടി അഭിനന്ദനം അർഹിക്കുന്നുവെന്നും ശശികല വ്യക്തമാക്കി. ദളിതർ എന്നല്ല, പൂജാരിമാരായി വരുന്ന എല്ലാവരും ബ്രാഹ്മണരാണെന്നും ബ്രാഹ്മണ്യം കർമം കൊണ്ട് നേടുന്നതാണെന്നും ശശികല വ്യക്തമാക്കി.