പിണറായി പൊലീസ് നടപ്പാക്കിയ സംഘി അജണ്ടകള്‍ ; മാധ്യമ പ്രവര്‍ത്തകന്റെ ഫേസ്ബുക്ക് പോസ്റ്റ് വൈറല്‍

പിണറായി പൊലീസ് നടപ്പാക്കിയ സംഘി അജണ്ടകള്‍ ; വൈറലാകുന്നു മാധ്യമ പ്രവര്‍ത്തകന്റെ ഫേസ്ബുക്ക് പോസ്റ്റ്

മുഖ്യമന്ത്രി എന്ന നിലയില്‍ തരക്കേടില്ലാത്ത പ്രകടനമാണ് പിണറായി വിജയന്‍ കാഴ്ചവയ്ക്കുന്നതെന്ന് പലരും അഭിപ്രായപ്പെടുന്നുണ്ട്. ഇതിനിടയിലാണ് കേരള പോലീസിന്റെ സംഘപരിവാര്‍ സ്വഭാവം ചര്‍ച്ചയാകുന്നത്.

കഴിഞ്ഞ ദിവസം വീടുകള്‍ കയറി ഐസിസിനെതിരെ ലഘുലേഖകള്‍ വിതരണം ചെയ്ത മുജാഹിദ് പ്രവര്‍ത്തകര്‍ക്കെതിരെ മതസ്പര്‍ദ്ധയുണ്ടാക്കാന്‍ ശ്രമിച്ചെന്ന് പറഞ്ഞ് പൊലീസ് കേസ് എടുത്തിരുന്നു.

ഈ സാഹചര്യത്തിലാണ് മാധ്യമ പ്രവര്‍ത്തകനായ യുഎം മുഖ്താറിന്റെ ഫേസ്ബുക്ക് പോസ്റ്റ് ചര്‍ച്ചയാകുന്നത്. 

പിണറായി പൊലീസ് നടപ്പാക്കിയ സംഘി അജണ്ടകള്‍ എന്ന തലക്കെട്ടോടെയാണ് മുക്താന്‍ തന്റെ ഫേസ്ബുക്ക് പോസ്റ്റ് തുടങ്ങുന്നത്. മുഖ്താര്‍ ഇട്ട ഫേസ്ബുക്ക് പോസ്റ്റിലെ 11 പോയന്റുകളാണ് ഇപ്പോള്‍ ചര്‍ച്ചയായി മാറിയത്.