പൊലീസ് ഭയക്കുന്നത് ആരെ? നടിമാര്‍ ആശ്വസിക്കേണ്ട, ‘മാഡം’ ഉടന്‍ വെളിച്ചത്തേക്ക് വരും!

മാഡം ഇരുട്ടത്ത്?

നടിയെ ആക്രമിച്ച നടന്‍ ദിലീപിന്റെ പേര് ഉയര്‍ന്ന് കേള്‍ക്കുന്നതിനു മുന്നേ കേട്ടു തുടങ്ങിയതാണ് മാഡം എന്നത്. കേസില്‍ മാഡത്തിന് പങ്കുണ്ടെന്നും മാഡം സിനിമയിലെ പ്രശ്സ്തയാ‍യ നടിയാണെന്നും പള്‍സര്‍ സുനി പലതവണ വ്യക്തമാക്കിയതാണ്. മാഡമാരാണെന്ന് ഇന്ന് അങ്കമാലി കോടതിയില്‍ ഹാജരാക്കുമ്പോള്‍ പറയാമെന്നായിരുന്നു സുനി പറഞ്ഞത്.

എന്നാല്‍, സുനിയെ അങ്കമാലി കോടതിയില്‍ ഹാജരാക്കാതെ നേരെ കോടതിയിലേക്ക് കൊണ്ടുപോകുകയായിരുന്നു. ഇതിനെതിരെ സുനിയുടെ അഭിഭാഷകന്‍ ആളൂര്‍ രംഗത്ത് വന്നിരുന്നു. മാഡം ആരാണെന്ന് തനിക്ക് അറിയാമെന്നും എന്നാല്‍, സുനി തന്നെ ഇക്കാര്യം വെളിപ്പെടുത്തുമെന്നുമാണ് ആളൂര്‍ പറഞ്ഞിരിക്കുന്നത്.

പൊലീസിന്റെ ഈ നീക്കത്തിലൂടെ ‘മാഡം’ എന്നത് ഒരു കെട്ട് കഥ അല്ലെന്നും അവര്‍ സിനിമയിലെ പ്രശസ്തയാണെന്നും വ്യക്തമാകുകയാണ്. സുനി ആ പേരു പറഞ്ഞാല്‍ പ്രശസ്തയായി കത്തി നില്‍ക്കുന്ന ഒരു നടിയുടെ പൊയ്മുഖം അഴിഞ്ഞു വീഴുമെന്നും റിപ്പോര്‍ട്ടുകള്‍ ഉണ്ട്. അത്രയ്ക്ക് വില്ലത്തിയാണോ ഈ മാഡം.