ഭാമ ദിലീപിനെതിരല്ല, അങ്ങനെ പറയുകയുമില്ല? - സത്യം വെളിപ്പെടുത്തി താരം

ഭാമയോട് ദിലീപ് ചെയ്തത്? സത്യം വെളിപ്പെടുത്തി നടി!

മലയാള സിനിമയില്‍ നിന്നും തനിക്ക് അവസരങ്ങള്‍ നഷ്ടപ്പെടാന്‍ കാരണം നടന്‍ ദിലീപ് ആണെന്ന് ആക്രമിക്കപ്പെട്ട നടി വ്യക്തമാക്കിയിരുന്നു. തന്റെ ശത്രുക്കള്‍ എന്ന് പ്രഖ്യാപിച്ചവരെ സിനിമയില്‍ നിന്നും ഇല്ലാതാക്കാന്‍ ദിലീപ് ശ്രമിച്ചുവെന്നും റിപ്പോര്‍ട്ടുകള്‍ ഉണ്ടായിരുന്നു. ഇതിനിടയിലാണ് നടി ഭാമയുടെ അവസരങ്ങള്‍ നഷ്ടപ്പെടുത്തിയതും ദിലീപ് ആണെന്ന തരത്തിലുള്ള വാര്‍ത്തകള്‍ പ്രചരിച്ചത്. 

ഇപ്പോഴിതാ, സിനിമയില്‍ തനിക്ക് അവസരങ്ങള്‍ നഷ്ടപ്പെടുന്നതിനെ കുറിച്ച് താരം വ്യക്തമാക്കുന്നു. സിനിമയില്‍ നിന്നും തനിക്ക് അവസരങ്ങള്‍ ഇല്ലാതാക്കാന്‍ ഒരാള്‍ ശ്രമിച്ചിരുന്നുവെന്നും അതാരാണെന്ന് അറിഞ്ഞപ്പോള്‍ താന്‍ ഞെട്ടിയെന്നും ഭാമ വനിത മാഗസിന് നല്‍കിയ അഭിമുഖത്തില്‍ വ്യക്തമാക്കുന്നു. 

സജി സുരേന്ദ്രന്‍ സംവിധാനം ചെയ്ത ഇവര്‍ വിവാഹിതരായാല്‍ എന്ന ചിത്രത്തിലായിരുന്നു ആദ്യമായി ഭാമയെ തഴയുന്നത്. ഭാമ നിങ്ങള്‍ക്ക് തലവേദനയാകും എന്ന് പറഞ്ഞ് സജി സുരേന്ദ്രനെ ഒരാള്‍ വിളിക്കുകയും അത് കാര്യമാക്കാതെ സജി ഭാമയെ നായികയാക്കി സിനിമ ഇറക്കുകയുമായിരുന്നു. ഇക്കാര്യം ഭാമ അറിഞ്ഞെങ്കിലും കാര്യമാക്കി എടുത്തില്ല.

പിന്നീട് വി എം വിനുവിന്റെ മറുപടിയുടെ സമയത്തും സമാനമായ അനുഭവം ഉണ്ടായി. ഷൂട്ടിംഗ് തീരാറായ സമയത്താണ് വിഎം വിനു ഇക്കാര്യം ഭാമയോട് പറയുന്നത്. 'നീ എനിക്ക് തലവേദന ഒന്നും ഉണ്ടാക്കിയില്ലല്ലോ. സിനിമ തുടങ്ങും മുമ്പ് ഒരാള്‍ വിളിച്ച് ഭാമയെ ഒഴിവാക്കണമെന്നും അല്ലെങ്കില്‍ പുലിവാലാകുമെന്നും പറഞ്ഞിരുന്നു', എന്നും വിഎം വിനു ഭാമയോട് പറഞ്ഞു.

ആരാണെന്ന് വിനുവിനോട് ചോദിച്ചപ്പോല്‍ പേരു പറഞ്ഞെന്നും ആ പേര് കേട്ട് താന്‍ ഞെട്ടിയെന്നും ഭാമ പറയുന്നു. താന്‍ ഒരുപാട് ബഹുമാനിക്കുന്ന ഒരു വ്യക്തിയുടെ പേരാണ് അന്ന് വിഎം വിനു പറഞ്ഞതെന്ന് ഭാമ പറയുന്നു. ചില ചടങ്ങുകളില്‍ മാത്രമാണ് അദ്ദേഹത്തെ നേരിട്ട് കണ്ടിട്ടുള്ളതെന്ന് ഭാമ പറയുന്നു. ഭാമയുടെ ഈ വാക്കുകള്‍ ദിലീപിന് അനുകൂലമായിരിക്കുകയാണ്. 

ദിലീപ് ആണ് ഭാമയുടെ അവസരങ്ങള്‍ നഷ്ടപ്പെടുത്തുന്നതെന്ന് ശ്രുതി ഉണ്ടായിരുന്നു. എന്നാല്‍, ആ വ്യക്തിയുമായി തനിക്ക് ബന്ധമില്ലെന്നും ചില ചടങ്ങുകളില്‍ മാത്രമാണ് നേരില്‍ കണ്ടിട്ടുള്ളതെന്നും പറയുമ്പോള്‍ ദിലീപ് അല്ലെന്ന് ആരാധകര്‍ വിശ്വസിക്കും. കാരണം, ദിലീപിനൊപ്പം ഭാമ അഭിനയിച്ചിട്ടുണ്ട്. കളേഴ്സ് എന്ന സിനിമയില്‍ ഇരുവരും തമ്മിലുള്ള കോമ്പിനേഷന്‍ സീനുകളും ഉണ്ടായിരുന്നു. ഏതായാലും ഭാമയുടെ ഈ വെളിപ്പെടുത്തല്‍ ദിലീപിന് തുണയാകുമോ എന്ന് കണ്ടറിയാം.