‘മിശ്രവിവാഹിതര്‍ക്ക് സ്‌നേഹോഷ്മളമായ അഭിവാദ്യങ്ങള്‍ ‍’; വൈറലാകുന്ന പോസ്റ്റ്

‘മിശ്രവിവാഹിതര്‍ക്ക് സൗജന്യമായി ഫോട്ടോയെടുത്ത് നല്‍കാം’; വാഗ്ദാനവുമായി ഫോട്ടോഗ്രാഫര്‍

വ്യത്യസ്ത മത വിഭാഗങ്ങളില്‍പെട്ടവര്‍ വിവാഹം കഴിക്കുമ്പോള്‍ പലപ്പോഴും കുടുംബങ്ങളില്‍ നിന്നുള്ള സഹകരണം കുറവായിരിക്കും. അങ്ങനെയുള്ള സമയങ്ങളില്‍ തുണയാകുന്നത് സുഹൃത്തുകള്‍ മാത്രമാണ്. എന്നാല്‍ മിശ്രവിവാഹിതര്‍ക്ക് സൗജന്യമായി ഫോട്ടോ എടുത്ത് നല്‍കാം എന്ന വാഗ്ദാനവുമായി റഫീഖ് എന്ന യുവാവ് രംഗത്ത് വന്നിരിക്കുകയാണ്. 

തന്റെ ഫേസ്ബുക്ക് പോസ്റ്റിലൂടെയാണ് റഫീഖ് ഇക്കാര്യം വ്യക്തമാക്കിയത്. മിശ്രവിവാഹിതര്‍ക്ക് സ്‌നേഹോഷ്മളമായ അഭിവാദ്യങ്ങള്‍ എന്ന പേരിലാണ് റഫീഖിന്റെ ഫേസ്ബുക്ക് പോസ്റ്റ് തുടങ്ങുന്നത്. മതരഹിതമായ ചടങ്ങുകളോടെ മിശ്രവിവാഹം നടത്തുന്നവര്‍ക്ക് ഫോട്ടോഗ്രഫിസേവനം തികച്ചും സൗജന്യം എന്ന കുറിപ്പോടെയുള്ള ഫോട്ടോയും ഫോണ്‍ നമ്പറുമാണ് റഫീഖ് ഫേസ്ബുക്ക് പേജിലൂടെ പങ്കുവെച്ചിരിക്കുന്നത്.