‘സുഹൃത്തിനെ പേരല്ലേ വിളിക്കൂ, അല്ലാതെ ഇരയെന്നല്ലല്ലോ’ - വിശദീകരണവുമായി അജു വര്‍ഗീസ്

ജീവിതത്തില്‍ ആദ്യമായിട്ടാണ് പൊലീസ് കേസില്‍ പെടുന്നത്: അജു വര്‍ഗീസ്

നടി ആക്രമിക്കപ്പെട്ട കേസുമായി ഒരു ഫെസ്ബുക്ക് പോസ്റ്റിട്ടതോടെ കേസും അറസ്റ്റും ഒക്കെയായി വിവാദത്തില്‍ പെട്ട നടനാണ് അജു വര്‍ഗീസ്. താന്‍ ആദ്യമായിട്ടാണ് പൊലീസ് കേസില്‍ ഉള്‍പ്പെടുന്നതെന്ന് അജു പറയുന്നു. സ്ക്രീന്‍ പൊട്ടിയ ഫോണില്‍ ടൈപ്പ് ചെയ്തത് കൊണ്ടാണ് അങ്ങനെ സംഭവിച്ചതെന്നും അജു പറയുന്നു.

‘പഴയൊരു ചൊല്ലില്ലേ ‘പൊട്ടിയ കണ്ണാടി വീട്ടില്‍ വയ്ക്കുന്നത് നല്ലതല്ലെന്ന്. എന്റെ ഫോണിന്റെ സ്‌ക്രീന്‍ പൊട്ടിയതായിരുന്നു. ഇതുപയോഗിച്ച് ടൈപ് ചെയ്ത് പോസ്റ്റിയത് പുലിവാലാവുകയായിരുന്നു. കൂടാതെ, അവള്‍ ഞങ്ങളുടെ സുഹൃത്തല്ലേ? സുഹൃത്തിനെ പേരല്ലേ വിളിക്കൂ, അല്ലാതെ ഇരയെന്ന് വിളിക്കില്ലല്ലോ. അങ്ങനെ പറ്റിപ്പോയതാണ്. എന്റെ സമയം മോശമായിരിക്കും.’ - അജു പറയുന്നു.

വനിതയ്ക്ക് നല്‍കിയ അഭിമുഖത്തില്‍ ഓണവിശേഷത്തെ കുറിച്ചും വിവാദകെസിനെ കുറിച്ചും അജു വര്‍ഗീസ് വിശദീകരിച്ചത്. ആക്രമിക്കപ്പെട്ട നടിയുടെ പേര് പറഞ്ഞ് കൊണ്ടായിരുന്നു അജു പോസ്റ്റിട്ടത്. സംഭവം വിവാദമായതോടെ അജുവിനെ അറസ്റ്റ് ചെയ്ത് ജാമ്യത്തില്‍ വിടുകയായിരുന്നു. 
(ഉള്ളടക്കത്തിനും ചിത്രത്തിനും കടപ്പാട്: വനിത)