ന്യൂസ് 18ലെ ദളിത് മാധ്യമ പ്രവര്‍ത്തക ആത്മഹത്യയ്ക്ക് ശ്രമിച്ച കേസുമായി ബന്ധപ്പെട്ട് മുതിർന്ന മാധ്യമപ്രവര്‍ത്തകനായ ബി ആർ പി ഭാസ്കറിനെതിരെ രൂക്ഷ വിമർശനവുമായി മാധ്യമപ്രവർത്തകനായ സനീഷ് ഇളയിടത്ത്. ഈ കേസിൽ എന്ത് നടപടിയാണ് ഉണ്ടായതെന്ന് ചോദിച്ചുകൊണ്ട് ബി ആർ പി ഭാസ്കർ ഫേസ്ബുക്കിൽ ഒരു പോസ്റ്റിട്ടിരുന്നു. ആത്മഹത്യയ്ക്ക് ശ്രമിച്ച പെണ്‍കുട്ടി പരാതി നൽകിയത് പീഡനക്കേസിലാണ് എന്ന് തോന്നിക്കുന്ന തരത്തിലായിരുന്നു ബി ആർ പി ഭാസ്കറിന്റെ ആ പോസ്റ്റ്. ഇതിനെതിരെയാണ് സനീഷ് രൂക്ഷ ഭാഷയിൽ വിമർശനവുമായി രംഗത്തെത്തിയിരിക്കുന്നത്.